Page:Corrido qñg bie rang queralanan di Oliveros ilang Artos.pdf/20

(17)

 Qng pamisabi ra ing horas dinatang
dinurup no quetang lamesang pamangan
iniang mayari na ing Princesa naman
migquera ne quetang catri nang tudturan.
 Cabud na panaquit agad tinipa ya
iting Oliveros tacas neng espada
siaja'neng cabayu queta sinaque ya
adua la mung áeu detang inusi na.
 Iniang datang ne pin taluctuc ning bunduc
agad yang quinullo iting Oliveros
ramdam ning Bruja siualang mamaus
malaguang tinipa segana'ne cabud.
 Saca ne lepitan niting Brujang lilu
ing cang Oliveros sequis nang cabayn
uli ning sicanan dala nang encanto
ing Principe't ásu miliari lang batu.
 Migmula na queta ali ne minuli
niti nang Princesa asaua nang capsi
mipue ya ang lumbe ampon dalamjati
mirame milugmue pati pa iog Ari.
 Iniang mirate ne ing Ari qñg saquit.
ampon ing Princesa qng lugmang é mu dit
minauad yang junta careta ning grandes
bung nanu ing sucat daptan dang matulid.
 Mitipun la queta é binang meluat
Bablang Consejeros quetang queang arap
ngana pin ning Ari mengamanu't guingess
nanu ing qñg lub yu qng masid yu't matiag.

3