This page has been validated.
(37)
Iniang pilan aldo micaliban-liban
ing sablang tula ra mepupus na naman
ligud na't pigcalam ning Dios á nuan
milamnan ya queta ing Reinang gagalang.
Ing siam á bulan linabas ping agad
dinatang ing aldo queang pamanganac
mibait yang pungul alang liuaghuag
at é menamdaman qng nanu mang sumbat.
Pungul á mibait metung yang lalaqui
ing anu na't asque macauiliuili
iniguita'ne pa ing balitang Marte
at cang Adonis man qng santing na't tiedi.
Ing tula na saedal ning buñing Monarça
pepabiñag na ne ing anac nang sinta
ngana ning historia, qñg Pisamban tiu pa
Embajadang metung ya ing panlub na.
Iti ing Gigante lugulung Mauleon
tampalasan sucab encantado't pusung
qng Aring Don Artos sinabi na layun
ibie na ing reino qng ban é malipul.
Ing mua ning Ari alang casimpara
quea yang tinabi iting embajada
saca ya misulud peto at manopla
sangcap. qng catauan mialiuang sandata.
Qng queang caballo sinaque neng dapal
itang abala na licua'na't guilutap
quetang selusua'na inagad nang disan
lugal nang tuenangan Giganteng sucaban.
ing sablang tula ra mepupus na naman
ligud na't pigcalam ning Dios á nuan
milamnan ya queta ing Reinang gagalang.
Ing siam á bulan linabas ping agad
dinatang ing aldo queang pamanganac
mibait yang pungul alang liuaghuag
at é menamdaman qng nanu mang sumbat.
Pungul á mibait metung yang lalaqui
ing anu na't asque macauiliuili
iniguita'ne pa ing balitang Marte
at cang Adonis man qng santing na't tiedi.
Ing tula na saedal ning buñing Monarça
pepabiñag na ne ing anac nang sinta
ngana ning historia, qñg Pisamban tiu pa
Embajadang metung ya ing panlub na.
Iti ing Gigante lugulung Mauleon
tampalasan sucab encantado't pusung
qng Aring Don Artos sinabi na layun
ibie na ing reino qng ban é malipul.
Ing mua ning Ari alang casimpara
quea yang tinabi iting embajada
saca ya misulud peto at manopla
sangcap. qng catauan mialiuang sandata.
Qng queang caballo sinaque neng dapal
itang abala na licua'na't guilutap
quetang selusua'na inagad nang disan
lugal nang tuenangan Giganteng sucaban.
