Page:Corrido qñg bie rang queralanan di Oliveros ilang Artos.pdf/41

(38)

 Iniang miras ne pin qug encantong gabun
at qñg cueva na ning lilung Mauleon
tambing neng inamun caras na qng pasbul
ding Leon at Tigres ilang sinalubung.
 Gigante linual ne cueva nang tucnangan
aping milalablab qng mata na lulual
agad neng besibas rodela nang talan
Ari silua ne sa qng cadenang bácal.
 Parala nang iti é mu rin miliari
qñg liesi nang Artos miguit ya cang Marte
lalang nang aliua depat ning Gigante
linto ing dalumdum cabas na ing bengi.
 Depat na ning Ari yang sinulud na
singsing qñg taliri á bioie ning Bruja
mepauing dalumdum ing sala hnto na
Gigante tebac ne tala'nang espada.
 Ing pamipamue da ating atlung horas
ing. lilung Gigante metadtad yang sugat
uli na ning singsing quea yang amalas
menurung ya uyat qñg gabun misaldac.
 Queti ya papiglo á sari s'canan
bubuang itang bundne ampon cagutaran
sablang animales pesilague la ngan
ing Giganteng sucab qng ba'reng piglauan.
 Detang puerco espin lilung babing dieut
bulbul da pataram pácung mangatilus
vivora't serpiente á tiapitu buntue
leon ampon tigre pati na ding lovos.