LI DESSIN DEL INFANTES
Forsan on memora que in 1935 Cosmoglotta hat publicat un dissertation in quel noi exposit ye ii unésim vez li resultates de nor long serchas pri li leyes del dessin infantin. Li secuent annu ti leyes esset developat completmen in un libre publicat in francés « Le dessin libre ». In 1937 li 8-im international congress del dessin in Paris interprendet un general discussion pri ti tema chargeante me redacter li oficial general raport por informar li circa 500 delegates venit del tot munde. Ti raport esset anc publicat in german, anglés, tchec e nederlandés.
Desde pluri annus it existe un oficie international por studiar scienticmen li dessin infantil, it es li « Institute international por li studie del dessin che li yunes » Sub li direction de su activ e sympatic director Sr. prof. J. Weidmann (Adresse : Pestalozzianum in Zurich, Svissia) ti institute colecte infantin dessines provenient del tot munde c classifica les in un folieteca facilmen consultabil.
Li ci-junt pictura, quel es typicmen infantin, just proveni del Institute de Zurich. Analysante it on va facilmen verificar li leyes particulari al infantin vision e queles noi developat in Cosmoglotta nr 101.
Li unesim caractere visibil in ti composition es li juxtaposition de omni elementes : li persones, arbores, flores, montes es dessinat in lor totale, li unes apu li altres, sin que jamá ili recovri se reciprocmen, mem in parte. E tamen in li natura presc sempre li objectes presenta se li unes detra li altres e plu o minu celat.
Li duésim caractere del dessin infantin es li constant repetition,
nominat anc automatism, del sam element. Quande li infant ha
59
