| Annu | 1927 | 1938 | 1929 | 1930 | 1931 | 1932 |
| Cadernes | 11 | 11 | 11 | 6 | 6 | 6 |
| Precie | 33.— | 11.— | 11.— | 8.— | 9.— | 8.— |
| Annu | 1933 | 1934 | 1935 | 1936 | 1937 | 1938 |
| Cadernes | 6 | 8 | 10 | 10 | 13 | 12 |
| Precie | 8.— | 4.— | 5.— | 5.— | 6.50 | 6.— |
N. B. — 1) Solmen li colectiones de 1922 e 1926 de Kosmoglott es liverabil.
2) Li colection 1927 de Cosmoglotta ne plu es liverabil.
3) Por li annus 1935, 1936, 1937 e 1938 manca alcun numeros de Cosmoglotta B. Noi fa un rabatt de Fr. 1.— por chascun numero mancant sur li precie del colection.
4) De témpor a témpor it es possibil far nov colectiones con li ancian numeros retrovat o retromisset per li abonnatores. Noi consilia al serchatores de exhaustet colectiones inscrir se che institute Occidental por reciver ti eventual colectiones.
5) Li complet colection de Kosmoglott e Cosmoglotta custa hodie sv. Fr. 250.— ... si it es liverabil.
6) Li Institute Occidental recive con gratità ancian numeros de Cosmoglotta o Kosmoglott. Si ili ne es inviat gratuitmen, ples demandar oferta del Institute.
7) Institute Occidental ha recivet un oferta de vende de un complet colection de Cosmoglotta e Kosmoglott. Interessate mey scrir nos.
8) Noi vendi li separat numeros de Cosmoglotta ye Fr. 0.50 singul, exceptet tis de 1927. Por separat numeros de Kosmoglott, ples demandar precie.
9) Por facilisar li aquisition de ancian colectiones de « Cosmoglotta » un special rabatt de 10 % va esser far al compratores til li 31 marte 1940.
UN ERRA DE NAPOLEON
Li unesim militari ballones servient quam postos de observation esset utilisat un decene de annus pos li unesim ballones con calid aer de Montgolfier.
In 1794, li francés armé havet ja du companies de « aerostateros ». Li yun fysico Coutelle recivet li comandament del unesim. Li ballon del capitan Coutelle fat grand servicie in li battaile de Fleurus e on utilisat anc captiv ballones in quelc guerres del Republica. Li aerostat esset ligat al suol per li medie de du cordes, chascun de queles esset retenet de un gruppe de soldates. Li comandant postat in li gondol, transmisset su observationes e su ordres per flags de diferent colores.
Li unesim consul Bonaparte dat tam poc fide al usation de ti postos e a observation aeran que il congediat li du companies e fat cluder li scole etablisset in li jardines de Meudon por studiar aplication del ballones al art de guerre.
Aprentisage. — Li instructora questiona un elev in li scol : « Save vu quo es sal ? »
Un elev : « Yes, yes, senioretta : to es alquicos quo da mal gust al
potates si on oblivia metter de it in ili ».
76
