—jNi!—innayon daydi tao, iti timek a narabak:—tay lawasna a nalabes nangitabunak sadiay iti maysa a babai.
—d Agmauyungkayo? —sinaludsod daydi babaunen; —no
awan pay makatawen a intabunmi.
—!Ket wen! nabayag a bulanen a kinutkutko. Ti kura a
dakkel inbilinna kaniak ti kasta, tapno innak ipan iti pagitabunan
dagiti sasanglay. Ngem gapo ta nadagsen met, ket iti daydi a
rabii agtudtudo...
Daydi tao dina natuloy ti saona; nagsanod a sikikigtot idi makitana ti garaw ni Crisostomo, a nangduklos kenkuana, iniggamanna ti takiagna ket inna winagwag.
—jKet inaramidmo? —sinaludsod daydi bumaro, a timekna ti di masao. —Di kay agung-unget, apo,—insungbatna, a bimsag ket nagkintayeg; —saan ko nga intabon iti yan dagiti sasanglay. jNalalaing ti malmes ngem ti maikuyog kadagiti in-insik, kinunak, ket inpuruakko daydi natay iti danum!
Ni Ibarra inkabilna dagiti dua a gemgemgemna kadagiti ababagana ket nabaybayag a kinitkitana iti ikikita a di mabalin a ibuksilan. —jSika, maysa ka la a daksanggasat!—kinunana, ket rimuar a nagdardaras, a inna payen napayatpayat dagiti tultulang, tantanem, kada kruskrus, a kas la maysa nga agmauyong.
Ti agitabtabon inaprusanna ti takiagna ket indayamudumna: —jTi ngad la pakaisarsarakan gapo kadagiti natnatay! Ni Padre Garote minalmalunak; iti bastonna gapo ta binay-ak a intabunda idi masakitak; ita, daytoy ngannganina ket rinungdo toy takiag kon gapo ta kinutkutko. jAnia ket dagitoy kakastilan! Mapukawkunto ngata ti pagsapulak.
Ni Ibarra napardas ti pagnana ket dagiti matmatana adayo ti inda kitkitaen; daydi lakay a babaunen sumursurot nga agsangsangit. Ti init nganngani lumneken; iti Daya, napuskol a ul-ulep da giti nangabbuyot iti langit; maysa nga angin a namaga ti mamagkuti kadagiti rawrawis dagiti kaykayo ken mamagsennaay ka dagiti kawkawayan. Ni Ibarra, ulo-ulo; kadagiti matmatana awan lumbuak a
