—kinunana iti sao ti kastila, a tinallikudanna, ket nagturong iti
simbaan.
Dagiti sakristan madamada nga ikabkabil iti uneg, ti tumba a nalawlaw kadagiti kankandela a naitugkel kadagiti kankandelcro a kayo. Dua da a lamlamisaan a dadakkel a inda pinagtuon, nakumutan da iti nangisit a lupot a napaigidan iti puraw; adda da naipinta a bangngabangnga a naipattupattok.
dGapo kadagiti karkararua wenno gapo kadagiti kankan dela?—sinaludsudna.
Ket idi ta nakitana di dua nga ubbing, ti maysa agtawen ngata iti sangapulo ket ti maikadua agtawen met ngata iti pito, nagtu rong kadakuada a dina ket inurayen ti sungbat dagiti sakristan.
—dUmaykay makikuyog kaniak, babbarok?—sinaludsudna kadakuada.—Ni ina yo insaganaannakay iti pangrabii a kas la pangrabii dagiti kukura.
—jTi sakristan mayor dina kam palubusan a pumanaw inggana iti maikawalo nga oras, apo! —insungbat daydi in-inauna. —urayek a itedda ti tangdan ko ta adda isangpetko ken ina.
—]A! ket d’adinno ti papananyo?
—Idiay pagkampanaan, apo, ta inkam agdublas gapo kadagiti karkararua.
—dlnkay iti pagkampanaan? jAgan-annadkay, ngarod! dikay umas-asideg kadagiti kamkampana no madama ti dulluog. Sa pimmanaw iti simbaan, ngem immuna pay la a sinipsiputanna a sia-asi dagidi dua nga ubbing a umul-uli iti agdan nga agturong iti koro. Ni Tasio linidlidna dagiti matmatana, kinitana manen ti langit ket indayamudumna:
—Ita, ket di, rigatek nga adda agbettak a sal-it. Ket nagturong iti ruar ti ili a sidudumog ken sipapanunot.
—jDumagaskay pay! —kinuna iti sao ti kastila ti maysa a timek manipod iti tawa ti maysa a balay. Daydi pilosopo timmangad ket nakitana ti maysa a lalaki nga agtawen ngata iti tallo pulo wenno tallo pulo ket lima, a mangis-isem kenkuana.
—d’Ania dayta basbasaenyo?—sinaludsod ni Tasio nga intuduna ti pagbasaan a igiggaman daydi maysa.
