toy, mabalin a isungbat a, gapo ta ti Purgatoryo adda iti uneg ti
daga, matnag a di agamanga iti babaen ti turay ni San Pedro.
Ngcm diak ngata maringpas no ibagak ita amin ti adda a nasasao maipanggep itoy a banag. Iti aldaw a kayatyo a panagsaritatay (Rcbbcng a patien a gapo kadagiti nalag-an a basbasol, adda
apoy a pakaguguran kasakbayan ti pannakaukom) a dua maipapan itoy a banag, umaykayo idiay balay ket sadiay intayto lukiben
dagiti pagpagbasaan ket intayto pagsaritaan a siwawaya ker> sitatalna. Ita, innakon; diak ammo no ania ti gapona nga iti daytoy a rabii, ti kinasingpet dagiti kristiano ipalubusna ti panagtakaw
—dakayo nga agtuturay baybay-anyo met—ket ibutengko dagiti pagpagbasaak. No kuman takawenda ida tapno inda basaen, baybay-ak kuma, ngem ammok nga aduda dagiti mayat a mangpuor kadakuada gapo iti ayat da a mangipaay kaniak iti aramid a kaasi, ket dayta a kita ti aramid a kaasi a maikari ken Kalipa Omar, nakabutbuteng. Addada pay mamatin a gapo kadagita a pagpagbasaan nalpasakon a nainpierno...
—dNgem, pamayak a mamatikay iti pannakainpierno?—sinaludsud a siisem ni Doray, iso a rimuar a siiggem iti maysa a pagtemteman a bassit a pakapupuuran dagiti nagango a bulbulong ti niog wenno bua (ramos), isuda a mangted iti nakassusuron nga asok ken nakaay-ayo a banglo.
—jDiak ammo, ina, ti aramidento kaniak ti Apo!—insungbat ni lakay Tasio a sipapanunot.—Inton agbugbugsutakon, yawatkunto kenkuana ti bagi ken ti kararuak nga awan ket buteng; aramidennanto kaniak ti kayatna. Ngem adda malagipko . . .
—dAnia dayta?
—No dagiti kakaisuna a mabalin a maisalakan isuda laeng dagiti katoliko (romanista), ket kadagitoy, maysa laeng a lima iti tunggal sangagasot, kas kuna dagiti ado a kukura, ket idinto ta dagiti katoliko maysa da la nga apagkasangapulo ket dua ti dagop dagiti tattao ditoy daga, no patien ti sasawen dagiti estadistika, rumsua a, kalpasan ti pannakainpierno dagiti rinibu-ribo a tattao iti bayat dagidi saan a mabilbilang a ginasgasot a tawtawen a napalabas kasangwanan ti yaay ditoy lubong ti Nangisalakan, kalpasan ti ipapatay ti Anak ti Dios a gapo kadatayo, ita isuna laeng a magun-udda ti maisalakan ti lima iti intunggal sangaribo ken dua gasot a tattao? O, saan, saan la ket di!
