kaykayatko a kunaen ken patien a kas ken Jacob: d“Naigeta adi
aya iti maysa a bulong a maipalpalais et byimatem ad met aya ti
maysa nga ibo a nagango”? [Saan, ti kasta a kinadaksanggasat
saan a mabalin; no patien, agbassawang datao, saan, saan!
—i'Ania ti kayat yo? san...
Ti Kinalinteg, ti Kinadalus a Nadiu-
jO! ngem ti kinalinteg ken ti Kinadalos a Nadiusan, idi kasangwanan pay laeng ti pannakaparsua ti lubong, nakitadan ti kasakbayan!—insungbat daydi lakay, a namigerger, ket timmakder. Kadagupan dagiti naparparsua, ti tao, maysa laeng a parsua a patang-patang ket saan a masapol, ket dayta a Dios saanna kuma a rebbeng a pinarsua, no gapo ta inna pagasaten ti maysa, inna dusaen dagiti ginasgasot iti awan inggana a kinadaksang gasat: ket amin toy gapo laeng kadagiti basbasol a tinawtawid wenno naaramid iti apagdarikmat. I Saan! No kuman agpayso dayta, lemmesenyo langen dayta anakyo nga adda dita a matmaturog; no dayta a pammati saan a bassawang iti Dios, a maiparbeng a Iso ti Kangatuan a Imbag, daydi Moloch dagidi penisio, a nataraunan kadagiti tattao a napapatay ken dara nga awanan basol, ket iti uneg ti tianna iso ti nakapuuran dagidi ububbing a narabsot iti saklot dagiti in-inna da, daydi Dios a naranggas, daydi Dios a nakakigkigtot agbalin iti abay Na a maysa a nalap-it a balasang, maysa a pagayam, ina dagiti amin a tattao!
Ket sipupunno iti aligagget, daydi agmauyong wenno daydi masirib pinanawanna ti balay, a nagtaray a napan iti lansangan, nupay madama ti tudo ket nasipnget pay.
Maysa a kimat a makapurar, a sinaruno ti nakabutbuteng a gurruod, a winarsianna ti tangatang iti makappatay a rissik, iso ti nanglawag iti daydi lakay, iso nga inwayatna dagiti imimana sadi langit ket kinunana nga inpukkaw.
—jSumupiatka aya! Ammukon a saan Ka a naranggas, ammukon a isuna la a rebbengka a naganen Ti Naimbag!
Dagiti kimkimat agkakamatada, ti dawel rumaba . . .
