amin agul-ulbudda: ta kunada a data, agtaktakawta gapo ta ni
ama, dakes a . . .
Ngcm maysa nga ulo ti nagparang a rimuar iti agdan a umuli iti akinngato a tukad, kct toy a ulo, kas ti daydi ulo ni Medusa, pinagbalayna ti sao kadagiti bibbibig ti ubing. Maysa nga ulo a nagatiddag, nakuttong, atitiddag dagiti bubuokna a nangisit; adda antiukosna a balbag, iso a manglinged iti maysa a matana a busa. Iso daydi ti sakristan mayor a kasdi ti ruamna a panagparang. awan tagtagarina, awan pakpakadana.
Dagidi dua nga agkabsat limmami-isda.
—jSika, Basilio, mamultaka iti binting, ta saan mo nga ikumpas ti agpatit! — kinunana, a timekna ti kas la aggapo iti maysa a rukib, a kas ket no awan urat ti ngiwatna. —Ket sika, Crispin, agbatika, ita a rabii inggana iti saan a tumaod ti tinakawmo.
Ni Crispin kinitana ti kabsatna a kas piman itay paisalakan. Adda palubos min... ur-urayennakam ni ina no maikawalo nga uras — kinuna ni Basilio a sibubuteng.
—jUray sika saan ka a makatalaw no maikawalo; aginggaka iti maikasangapulo nga uras!
—Ngem, apo, no iti maikasiam saan a mabalinen ti magna, ket adayo ti balay mi.
—Ket, dkayatnak ket ngad a bilinenen? — sinaludsod a nagpungtot daydi tao. Ket iniggamanna ti takiag ni Crispin ket kinayatna a ginuyod.
—jApo! maysa a lawas nan a saan mi a nakita ni ina! — inyararaw ni Basilio nga iniggamanna ti adina a kasna kayat a isalakan. Ti sakristan mayor sinipatna ti imana, tapno inna ibbatan, sa na inulod ni Crispin, a nangrugi a nagsangit ket simkad a kunkunana iti kakana:
—jDinak panpanawan ket papatayendak! Ngem ti sakristan, a dina inbibiang, inuludna nga inyulog ket nagpukawda iti sipnget.
Ni Basilio saan a nakatimek iti uray la no maysa. Nangngegna dagiti pannakaidungpadungpar ti bagi ti adina kadagiti pangpangal ti agdan, nangngegna dagiti pukpukkaw, dagiti ado a sipsipat, sa nain-inot a nagpukaw dagidi as-asog a naka-ay-ay-ay.
