Ti rabii nasipnget; dagiti tattao matmaturugda iti let-ang ti ulimek; dagiti agkakabbalay a nanglagip kadagiti nagawanen, matmaturugda a sitatalna ken sipepennek: linualuda dagiti tallo a paspaset ti Santa Rosario a narefyemenan, ti nobena dagiti karkararua, ket ado met dagiti kankandela a minurimurda iti sango da giti sagrado a ladladawan. Dagiti babaknang ken adda mabalbalinda nakasungputdan kadagiti kakabagyan da a nangipatawid kadakuada kadagiti sansanikua da; iti sumuno nga aldaw, indanto makimisa kadagiti tallo nga idaton ti maysa a padi, mangteddanto pay iti dua a pisos a maipaay iti sabali man a misan, sa danto gumatang iti bula dagiti natnatay, a napunno iti induljensia. Pudno a ti Linteg a Nadiusan kas la saan unay a naiget a kas ti Linteg dagiti tattao.
Ngem ti napanglaw, ti marigrigat nga apaman la no maulluanna ti pagbiagna ket masapol a pasuksukanna dagiti direktor-silio, cskribiente kada sosoldado tapno baybay-anda nga agbiag a sitatal na, dayta saan a maturog a sitatalinaay, kas pagarupen dagiti dumadaniw a babaknang, isuda a nalabit saan da a narikna ti pannagibi ni rigat. Ti napanglaw, silaladingit ket sipapanunot. Iti daydi a rabii, no bassit ti inna panaglualo, nagkararag iti ado, a silulua da giti matmatana ket sisasakit ti pusona. Awan nobenana, saan na nga ammo dagiti pagdawdawat, dagiti gosgosos, dagiti or-oremus a inurnos dagiti praile nga agpaay kadagiti awan bukodda a panunot, awan bukodda a rikna; kasta met a saanna ida a maawatan. Ti paglualona, iso ti nagsasao ti kinapanglawna; ti kararuana agsangit gapo kenkuana ken gapo kadagiti natnatay a ti ayat da iso ti pagimbaganna. Dagiti bibbibigna mabalinda a baliksen da giti pagdaydayaw, ngem ti isipna yikkisna dagiti as-asogna ket idarumna dagiti un-unnoyna. PMapnekkay kadi, Sika a nangitanok iti kinamarigrigat, ken dakayo, an-anniniwan nga agtutuok, iti awan an-aniana a kararag ti napanglw, iti sango ti dakcs u pan-105
