inkay alaen ni Crispin, singirenyo ti nateggedak ket kunayo a sa-
anak nga agsakristanen. Apaman a umimbagak, innakto kitaen
ni don Crisostomo, ket dawatekto kenkuana nga awatennak nga
agpapaarab kadagiti bakbaka wenno nunuangna; dakkelakon. Ni
Crispin mabalinnanto ti mapan agadal iti balay ni apo lakay Tasio,
iso a saan nga agkabil ket naimbag, nupay saan a patien ti kura.
?Ania kad ti kabuteng tay ken apo padi?
?Mapagbalinnatay kad
a napangpanglaw pay laeng ngem toy agdama a kinapanglaw tayo?
Mamatikayo, ina, tay apo lakay, naimbag; namin-ado a nakitkitak
iti simbaan, no daytay awan tao; agparintumeng ket aglualo, patien-
yo. !Ala, ina, diakto agsakristanen; bassit ti masapulan, sa ket mai-
bos met la amin iti panagmulta! Agasugkam amin iti kasta. Agpa-
paarabakto, ket no tartarimaanek ti maitalek kaniak, kaay-ayunakto
ti akinkua; nalabit a ipalubusna a gatasek ti maysa a baka, tapno
adda inumentay a gatas; ni Crispin napalalo nga ayatna iti gatas.
!Ammo kadi! nalabit ikkandakay iti maysa nga urbon a bassit, no
makitada a nasayaat ti panagkukuak; taraknentayto ket palukme-
gentayto a kas ita manok tayo. Iti bakir agalaakto kadagiti bungbunga ket innakto ida ilako iti ili agraman dagiti natnateng ti minuyungan tayo, ket iti kasta, addanto kuarta tayo. Agikabilakto iti silo
ken pagala kadagiti tumaytayab ken musmusang, agkalapakto iti
karayan, ket inton dumakkelak, innakto aganop. Mabalinkunto
met ti agpukan iti kayo a pagtungo nga ilako wenno itedkunto iti
akinkua kadagiti bakbaka, ket iti kasta, kanayunto a maragragsa-
kan kadatayo. Inton mabaelak ti agaradon, dawatek to a pagtal-
kannak iti sangkabassit a daga a mulaakto iti unas wenno mais, ket
di kayto agdadaiten nga aging-ingga iti tengnga ti rabii. Addanto
babbaro nga ar-aruatentayo, tunggal piesta agsidatayto iti karne
ken ikan a dadakkel. Agbiagak to met a siwawaya, kanayon nga
aldaw nga agkikitatayto ken kanayon nga agsasangutayto a ma-
ngan. Ket tangay kuna ni apo lakay Tasio a nalaing ti ulo ni
Crispin, ibauntayto a mapan agadal sadi Manila; siakto ti agsapol
iti busbusenna: ¿agpayso, ina? Ket agdoktorto? ania ti kunayo?
—¡Ania kad saok no di wen! —insungbat ni Sisa nga inara- kupna ti anakna.
Iso inna nadlaw a ti anakna saanna nga inbilang iti uray ania man ni amana iti kasakbayan, ket nagsangit, nagayos a siuulimek dagiti luluana.
Ni Basilio intuluyna nga inbagabaga dagiti gakgakatna, a
