Ni Ibarra inikkatna ti kallugongna ket kas la naglualo iti nabayag. Idi kuan, sinanguna ti kinakuyogna ket kinunana:
—Kunayo itay a daydi ama tinultulunganna dagiti ububbing a marigrigat, ita?
—Ita, aramidenda ti mabalin ket agsuratda no mabalinda, —insungbat daydi agkabanuag.
—¿Ket, ania ti gapona?
—Ti gapona adda kadagiti pigispigis a badbadoda ken kadagiti managbabain a matmatada. Ni Ibarra nagulimek.
—¿Mano da dagiti ka-ad-adalanyo ita? —sinaludsudna a sigagagar.
—Nasurok a dua gasot iti lista, ket dagiti sumsumbrek, dua pulo ket lima.
—¿Apay a kasta?
Ti mangisursuro immisem a sililiday.
—No saritaek kadakayo ti gapona, atiddag unay ket makauma a sarita, —kinunana.
—Saanyo nga atapen a ti innak panagsaludsod maysa la a parawpaw a gagar, —insungbat ni Ibarra a sidedeggang ket kinitana ti adayo a tangatang. —Pinanpanunutko a nalaing, ket kunak a ti panangpatuloy kadagiti panpanunot daydi ama, nasaysay iat ngem ti panang-sangit kenkuana, nasaysayaat ngem ti panangibales kenkuana. Ti Nasantuan a Nakaparsuaan iso ti tanemna, ket ti ili ken maysa a padi isuda dagiti kabusorna; pakawanek ti Ili gapo iti kinakunengna, ket pagraemak ti maikadua gapo iti galadna ken gapo pay ta kayatko a mapagraeman ti Relijion a nanursuro kadagiti tattao. Kayatko a suruten ti kinayat daydi nangted iti biagko, ket iso ti gapona a kayat ko kuma a maammuan dagiti laplapped ti panagsursuro ditoy.
—¡Ti Ili idaydayawnanto ti lagipyo, apo, no ipatuluyyo dagiti nasayaat a tartarigagay daydi natay a dakkel yo! —kinuna ti mangisursuro. —?Kayatyo nga ammuen no ania da dagiti laplap ped ti panagsursuro? —Ala wen, babaen dagiti agdama a kaskasasaad, iti panagsursuro uray inton kaano, awan pagangangayana, umuna, gapo ta awan makaay-ayo ken makaawis kadagiti ububbing, ket maikadua, gapo ta uray pay kuma no adda, inda patayen met la ida ti kaawan ti aramaten ken dagiti ado a sabsabali a panpanunot nga adda iti ulo dagiti tattao. Kunada a sadi Alemania, ti anak ti agtaltalon, walo a tawenna nga agad
