—!Nalaka unay! —insnngbat daydi bumaro. —Adda nga in kuyugko ditoy ti dua a komedia a nalabit, ti nasayaat a panagrikna ken ti paggaammon a laingda nga umimatang dagiti agkakadayaw nga appo a lallakay, a natiptipon ditoy, indanto makita a mabalin nga an-anuguten ken makaay-ayo met a buyaen. Ti maysa managanan iti “Ti Pannaapili ti Gobernadorsilio”; maysa a komedia a saan a indaniw, lima kapaset, insurat ti maysa kadagiti adda ditoy a si-sasaklang. Ti maikadua siam a kapaset, mabalin a ipabuya iti dua a rabii, maysa a drama a nasayaat unay, uyawenna dagiti dakes a kadkadawyan, pinutar ti maysa kadagiti kalalaingan a dumadaniw ditoy a pangukuman, ket ti naganna, “Ni Maria Makiling.” Gapo ta makitami a maibayag ti pannakausig dagiti sagsagana itoy a piesta, ket gapo ta inbutengmi a makurangantay iti kanito, sinapulmi iti nalimed dagiti mangipabuya ket pinaadalmi kadakuadan ti bagi ti tunggal maysa nga iruar. Inanamaenmi nga iti bayat ti maysa a lawasna a panagsanay, magun-uddanto a di agkurang a nasayaat ti iruruar da. Daytoy, appo, abos man pay ta baro, adda pagpaayanna ket nasayaat unay, awan unay ti ibusenna a pirak; saan tay a masapol ti aruaten, dagiti ar-aruaten tay a kadawyan, mabalinda nga aramaten.
—!Siak ti mangipatakder iti pagbuyaan!—kinuna a makaa;,ayat unay ni Kapitan Basilio.
!—No adda rumuar a kuadriliero, ipabuludko, dagiti kuadrilierokj—kinuna ti Kapitan dagiti kuadriliero.
—Ket siak . . . ket siak ... no masapol ti maysa a lakay . . . —kinuna met ti maysa a lakay, ket timmarder a kasta unay tangigna.
—!jAnnugutentayo, annugutentayo! —inpukkaw dagiti ado a timtimek.
Ti teniente mayor uray la bimsag iti rag-o ti pusona; dagiti matmatana namsekda iti lua.
—!Makasangit iti apasna! —nakuna iti unegna ti maysa a di mabalusingsing a kabusorna, ket inpukkawna:
—!Maannugot! !Maannugot! saan a pagsasaritaanen!
Ket iti ayatna. ta nakabales, ken gapo pay iti naminpinsan
a pannakaabak ti kabusorna, daydi tao rinugyanna nga inpadpadayaw ti gakat daydi bumaro. Toy intuluyna ti nagsao:
