Amin dagiti si-sasaklang siaallingagda a siu-ulimek.
-Ngem?--sinaludsod ni Kapitan Basilio.
-¡Si-aannugutak unay! -inulit ti gobernadorsilio; kayatko a sawen. . saanak a umannugot . . . wen, kunak, ngem. Ket linidlidna dagiti matmatana iti bukot ti imana.
-Ngem ti kura,-intuloy daydi daksanggasat,-ti Padre kura sabali ti kayatna.
-¿Ti kura iso aya ti agbayad iti mabusbus iti piesta, wenno datayo? ¿Adda aya uray sangkatipping ti siping a intedna? kinuna ti maysa a timek a natarumamis. Isuda amin kimmitada iti disso a naggapuan dagidi a salsaludsod: adda sadiay ni pilósopo a Tasio. Ti teniente mayor saan a nakakuti ket dagiti matmatana nailansada iti gobernadorsilio.
-¿Ket, ania ti kayat ti kura? sinaludsod ni Kapitan Basilio.
-Ni apo kura a ket, kayatna ti . . . innem a libot, tallo a sermon, tallo a misa a dadakkel. . . ket no adda matda a kuarta, ti komedia a taga Tondo, sa kanta iti ballaetna. ¡No dakami, madikami!-kinuna dagiti agtutubo ken da giti dadduma a lallakay. Iso ti kayat ti Padre kura! inulit ti gobernadorsilio. Ket inkarik iti kura a matungpalto ti kayatna. ¡No kasta, ania pay la ti nagpapaayabanyo kadakami?
-!Wen, a ta . . . innak ibaga!
-Ket, apay a diyo inbaga nanipod pay idi damo?
-Kayatko itay a ibaga, appo, ngem ni Kapitan Basilio simmao met ket diak nakakanito . . . !Masapol a tungpalen ti kayat ti kura!
-Masapol a tungpalen ti kayatna!-inulit dagiti dadduma a lallakay. !Masapol a tungpalen, ta no saan, ti Alkalde innatay amin ibalod! innayon a sililiday dagiti sabsabali a lallakay.
-!Umannugutkay laeng, no kayatyo, ket dakay ngád ti ag- piesta! kinuna dagiti agtutubo ket timmakderda. -Dakami ibabawimi dagiti ar-arayatmi.
-!Nasingir aminen!-kinuna ti gobernadorsilio. Inasitgan ni don Filipo ket kinunana kenkuana a sipapait:
-146-