ti orkestra, nga agtugtug. Iti tengngana, adda naikabil nga atiddog a lamisaan a kasta unay ti pannakapunno na kadagiti ado a
ramramen a pangpasayaat, kasda man kidkiddayan dagiti mannakilablab kadagiti nasam-it a karkari, ket kas na met itay butbutngen ti naalumiim a balasang, ti nasungdo a balasang, iti dua
nga liras a makappatay a pannakilangen kadagiti sabsabali a tattao, nga iti pagsasao ken panagsasaritada, masansan a maidumada
unay iti kababalin. Kasungani dagitoy nailubungan a sagsagana,
addada dagiti naglalaok a kukuadro a naikabil ka dagiti diddiding
a pakakitaan ka dagiti banbanag maipapan iti Relijion, kas Ti Purgatorio, Ti Inpierno, Ti Mandi a Pananguom, Ti Ipapatay ti Nasingpet, Ti Ipapatay ti Managbasol, ket iti tengnga, a napalawlawan iti nataraki ken nasayaat a marko, estilo Renacimiento nga
aramid ni Arevalo, adda nakaddidillaw a dakkel unay a buadro
a nakailadawan ti dua a babbaket. .. Ti naisurat iti baba na kunana: “Ni Nuestra Seniora de la Paz y Buenbiaje, a madaydayaw sadi Antipolo, babaen ti langa ti maysa nga agpalpalama, sarungaranna ni mananglualo en agdindinamag a Kapitana Ines, iti
panagsakit na. Ti ladawan numan pay saan a nasayaat ket awan
arte na, naglablabes ti kas na kinaagpaypayso a sibibiag: ti masakit arig nan ti maysa a bangkay a maderderder gapo iti nakusnig
ken nabalbag a rupa na; dagiti basbaso ken sabsabali pay a kakuykuyog ti mabayag a panagsakit addada a kasta unay nagsayaat ti pannakailadawan da, ta maanninawan pay ti linaon da. No
buybuyaen dagitoy a mamarusing iti imas ti pannangan ken mangipalagip iti maipapan iti rusok, nalabit adda agkuna a ti managdakdakes nga a kin balay ammuna a nalaing ti kababalin ti kaaduan dagiti tumugaw iti panganan, ket tapno malingdan bassit ti panunot na, nagpaibitin kadagiti napateg a pagsilsilawan nga ara
mid sadi China, tangtangkal nga awan met ngad nagyan a tumaytayab, nagbubukel a sarsarming nga adda asuge da a nalabaga,
naganos ken balbag, babassit a mulmula a nalaylay, ik-ikan a napagango ken napabussog a naganenda iti butiti, ken no ania ania
pay; sa iti bangir ti balay a tumamdag iti karayan, nagpaikabil ka
dagiti nataraki a bakbakkuko (arko) a kayo, kas la sinasanglay,
kas la ine-europeo; ket iti bansag nagpaikabil met iti emparrado
ken glorieta (sapaw a pagkalatkatan dagiti mulmula), a silawan
iti apagapaman dagiti parparol a papel a nadumaduma ti buya da.
(2) Iti konbento sadi Antipolo adda maysa a ladawan a kas ti daytoy. (Panglawag ni Rizal)
