arinbagtiten, ta saan kan a mangmangan ket di met agdigdigos
kct nakasipsipnget la ti pagyanan na. !Aramidem a saan a makaumay!
—Saan a mabalin a di awisen—insungbat ni Ibarra a sipapanunot. —Dagiti kadkadawyan ditoy ipapilitda; adda iti uneg ti
balay mo; maysa pay, natakneng ti inaramidna kaniak.
Idi
inyuman kenkuana ti Alkalde ti banag a nasaritak kenkan, awan
sinauna no di bin-ig a pangidayaw kaniak ket dina pinanggep
a inaramat ti uray bassit la a panubeng. Ngem makitak nga agtalnaka; bay-am ta dina tayto makuyog iti bangka.
Adda mangngeg a nainayad nga ad-addang; iso ti kura nga
umasideg a umis-isem iti mapilpilit dagiti bibbibigna.
—Nalamiis ti angin!—kinunana;-—no makapetna datao ti panateng, dina datao ibbatanen inggana iti dumteng dagiti al-aldaw
a napudot ?Di kay mabuteng a malamkan?
Ti timekna mamigpigerger ket dagiti matmatana kumitkitada iti adayo a tangatang; saanna a kitkitaen dagidi dua nga agayan-ayat.
—Sabali met kadakami; Inasayaat unay kadakami ti rabii, ket ti angin, nakaim-imas!—-insungbat ni Ibarra. —Kadagitoy a bulbulan adda otonio ken primabera mi; agregreg dagiti dadduma a bulbulong, ngem rumusing a patinayon dagiti sabsabong.
Ni Fray Salvi nagasog. —Makitak a nasayaat unay ti panagkuyog dagitoy dua a kaskasasa-ad ti panawen, a di ket tumibok ti nalamek a inbierno,— intuloy ni Ibarra. —Inton Pebrero rumusingdanton dagiti busbusel kadagiti sangsanga dagiti kaykayo nga agbunga, ket inton Marso ad-adunto ti naluom a bungbunga. Inton dumteng dagiti bulan a napudot, inkanto iti sabali a disso.
Ni Fray Salvi immisem. Idi kuan, ti la adda nga inda nasarsaritan: maipuon ti kanito, ti ili, ken ti piesta; ni Maria Clara simmapol iti maysa a pambar, ket immadayo.
—Ket tangay piesta ti intay masasao, ipalubusyo nga awisenkay iti inkamto rambakan no bigat. Maysa a rambak iti talon nga aramidenmi nga aggagayyem. iKet. adinunto ti inna pakaaramidan? —Dagiti babbalasang kayatda nga iti yan ti waig nga agayos
