iti karruba a bakir, iti asidcg ti baliti; gapona a sapacntayto ti agriing tapno dina tay makamakam ti init.
Daydi padi nagpanunot; kalpasan ti nabiit a kanito, simmungbat:
—Ti awis, makasulisog unay ket awatek ta pangipakitaak kadakayo nga awan gurakon. Ngem maladladawakto nga umay, inton malpasko a masungpot dagiti an-annongko. jNagasatkayo ta siwawayakayo, naminpinsan a siwawaya! Kalpasan ti sumagmamano a kanito, nagpakada ni Ibarra, ta inna sinagana ti rambak iti sumuno nga aldaw. Nasipngeten idi ti rabii.
Idi adda iti dalan, adda immasideg kenkuana a nagkablaaw a siraraem.
—¿Asinno kayo? —sinaludsod ni Ibarra.
—Saanyo nga ammo ti nagan ko, apo. —insungbat daydi di am-ammo a tao. —Dua nga aldaw a inur-uraykayo.
—¿Ket apay?
—Wen, apo, ta uray adinno awan nangngaasi kaniak, gapo ta kunada a maysaak a dakes a tao. !Ngem napukawko dagiti annak ko, ni asawak nagmauyong, ket amin dagiti tattao kunada a kaikariak ti gasat ko!
Ni Ibarra inamirisna a nalaing daydi tao ket nagsaludsod:
—¿Ania ti kayat yo, ita?
¡Dawatek ti kaasiyo itoy asawak ken dagiti annakko!
—Diak mabalin ti agtaktak,—insungbat ni Ibarra. —No kayatyo ti sumurot, inton magmagnatayo, mabalinyunto nga ibaga kaniak ti naaramid kadakayo.
Daydi tao nagyaman, ket iti nabiit, nagpukawda iti let-ang ti sipnget dagiti daldalan a dakes ti inda pannakasilaw.
