Ngem daydi maysa, a pransiskano, nasao unay ket napalpalalo mancn ti kinagaraw na. Numan pay nangrugi nga agubanen
dagiti bubuok na, kas la nasayaat ti pannakataripato ti nabaneg
a bagina. Ti nasayaat a rupana, ti panagkitana a saan unay a
makaited talna, dagiti akaba a sasangyan na ken dagiti nabaneg
a taktakiag na, isuda ti mangted iti langana a kas la maysa a
patricio romano a manglimlimo, ket uray di kayat, maipalagip
laeng ti maysa kadagiti tallo a praile a saritaen ni Heine iti sinuratan na a Dioses en el Destierro, nga iti kan bulan ti Septiembre,
no daytay agpada ti kaatiddog ti aldaw ken ti rabii, ta lasatenda
nga agbangka ti maysa a danaw sadi Tisol iti tengnga ti rabii,
kanayon a pasukibanda ti nakakaasi nga agbangbangka iti pirak
a nalamiis, kas la yelo, iso a manglemmes kenkuana iti buteng.
Nupay kasta, ni Fr. Damaso saan a datdatlag a kas dagidi narag
sak, ket no ti aweng ti timekna nagubsang kas la timek ti maysa
a tao . . . ti maysa a tao a kaano man dina nakagat ti dilana, nga
ipagarupna a nasayaat ket awanen pamillawan iti anim a ibagana,
ti katawana a naragsak ken nalawag punasenda daydiay dakes a
panangipagarop, ket kas pay itay maipapilit a pakawanen kenkua
na ti inna panangipakita iti kadaklan kadagiti saksakana nga awan
mediasda ken kadagiti gurgurongna a dutdutan, a mamagbaknang
ngata kuma iti maysa a miendiera iti peria sadi kiyapo.
Maysa kadagiti paisano, tao a bassit, nangisit ti imingna,
daydi laeng agongna ti nakaddidillaw, a no kitkitaen ti kadakkelna, kas la saanna a kukua; daydi maikadua, agkabanuag a nalabaga, kas la sangsangpet, iso ti kasasao daydi pransiskano iti nabiag unay.
— Makitananto, — kuna daydi pransiskano — inton adda binulanna nga adda dituyen, mapnekannanto ti kinapudno dagiti sasaok kenkuana: maysa a banag ti panagturay sadi Madrid ket sabali met ti panagyan ditoy Pilipinas! — Ngem . . .
— Siak. kas pagarigan, — intuloy ni Fr. Damaso, nga inpigsana ti timekna, tapno di makasao ti kasarsaritana, — siak, a dua pulo ket tallo a tawen kon a mangmangan iti saba ken inapoy, mabalinko ti agsao iti nakappapati maipapan iti dayta a banag.
(3) Fray ti pannakabalikas na. Maikabil idi ti sango a nagan ti praile.
Ita dagiti pa pad i a pilipino, a saan a praile inda met ikabilen ti “Fr” iti sango dagiti nagnagan da ket baliksenda a “Father”.
