inumen ti nalamiis a digo ken kancn ti nalukneng a bagasna,
a napudpudaw pay ngem ti gatas; dagiti babbalasang adda pay
awatenda nga ukkor a sampaga, a nalaukan kadagiti sabsabong
ken al-allangigan, a mangpabanglo iti siwawakray a buokda. Agtutugaw wenno aggi-iladda kadagiti in-indayon a naibitin kadagiti
sangsanga, wenno aggaayamda iti lawlaw ti maysa a bato nga akaba,
nga iti rabawna adda makita nga nipis, pagay-ayaman iti ajedres,
pagbasaan a babassit, alimbukay ken babassit a batbato.
Inpakitada iti kura daydi buaya, ngem kasna la saan a naibibiang ket isuna la a nangipangag idi nasauda a ti akaba a sugatna, ni Ibarra ti akinggapuan. Maysa pay, awanen a makita daydi agdindinamag ken awan makaam-ammo a mangyurit; nagpukaw idi saan pay a simmangpet ti alperes.
Idi kuan, simmang-at ni Maria Clara iti pagdigusanna kinuyog dagiti gagayyemna; nasalsalibukag laeng a kas maysa a sabong nga apagukrad iti agsapa no daytay rumaniag ti ayat a kas la beggang a diamante, kadagiti nadiusan a bulbulongna. Ti immuna nga isemna naipaay ken Crisdstomo, ket ti immuna nga ulep iti mugingna naigapo ken Padre Salvi. Toy nadlawna ket saan a immasog.
Dimteng ti kanito ti pannangan. Ti kura, ti koadjutor, ti alperez, ti gobernadorsilio ken dadduma a ka-kapitan ken ti teniente mayor nagtugawda iti lawlaw ti lamisaan a inpanguluan ni Ibarra. Dagiti inna dida inpalubos nga adda mailaok a lallaki iti lamisaan dagiti babbalasang.
—Albino, ita saanka nga agputar iti abot a kas idiay bangka!— kinuna ni Leon iti daydi nagseminarista.
—¿Ania? Pania dayta?—sinaludsod dagiti babbaket.
—Dagitay bangbangka, appo, sibubukelda a kas ti daytoy a pinggan,—inlawlawag ni Leon.
—¡Jesus! Isaramulio!—kinuna ni ikit Isabel a immisem.
—Apo alperes, Padda damag yon iti daydi dakes a tao a nangkabil ken Padre Damaso?—sinaludsod ni Fray Salvi iti alperes idi madamada a mangmangan.
—¿Asinno a dakes a tao, padre kura! —sinaludsod ti alperes a siniripna ti praile iti uneg ti baso ti arak a in-inumenna.
—¿Asinno pay met? jDaydi nangkabil ken Padre Damaso iti
dalan idi kasangamalem!
