—¡A nagpukawda nga awan ket ti damag kadakuadan! — innayon a sidedeggang ni don Filipo, a kinitana ti gobernadorsilio, iso a nangibaba kadagiti panagkitana.
—¡Sapulenyo dayta a babai! —inbilin ni Crisostomo kadagiti babaunen. —Inkarik a pasapol dagiti annakna . . .
—¿Nagpukawda, kunayo?—sinaludsod ti alperes. —dNagpukaw dagiti sakristan yo, padre kura?
Toy intangadna ti sangabaso nga arak nga adda iti sangona ket intangedna ti ulona a pinagwen.
—¡Karambas! Ipadre kura!—kinuna ti alperes a nagkatawa iti narabak, ket siraragsak, ta makabales;—adda mapukaw a sumagmamano a pirak yo, Reberensia, ket masapa unay a mariing ti sarjentok, tapno inna pasapol; agpukaw ti dua a sakristanyo, ket awan saoyo, ket dakayo, apo kapitan . . . pudno met dakayo . . .
Ket dina tinuloy ti saona, ngem nagkatawa ket di nga inna inlumlom ti idos ti kutsarana iti nalabaga a lasag ti papaya.
Ti kura, a dina ammo ti sasawenna ket kasna napukaw ti ulona, simmungbat:
—Wen, a ta sungbatak ti pirak . . .
—¡Naimbag a sungbat, reberendo pastor dagiti karkararua! — insengngat ti alperes a simemelmel ti ngiwatna. —!Naimbag a sungbat, santo a lalaki!
Ni Ibarra kinayatna ti simngat, ngem ni Padre Salvi, nga inna inangay amin a pigsana, insungbatna nga immisem iti kasla napilpilit.
—¡Ket ammuyo, apo alperes, ti masasao maipapan iti panagpukaw dagita nga ububbing? ¿Saan? ¡A, ket, saludsudenyo man kadagiti sosoldadoyo!
—¿Ania?—kinuna ti alperes, a napukawna ti ragsakna.
—¡Kunada nga idi karabiyan ti panagpukawda, addada nangngeg a un-uni ti paltog!
—¿Un-uni ti paltog?—inulit ti alperes, a kinitana dagiti sisasaklang.
Dagitoy intangedda dagiti ul-uloda a pinagwen.
Ni Padre Salvi, iti kasta, kinunana a siinayad ken silalais iti napagel:
—Ala, makitak kadakayo a diyo matiliw dagiti dakes a tattao,
diyo met ammo ti ar-aramiden dagiti kabbalayyo, ket kayatyo a
