kasta. Saan la a dayta, no adda umay a maysa a nangato nga
agturay a naindaklan ket nasayaat unay dagiti panpanunotna,
iti mabiit mangruginto a dumngeg, idinto ta iti likudanna inda
pagbalinen nga agmauyong: Ni Ekselensia saanna nga ammo ti
Hi, ni Ekselensia saanna nga ammo ti kababalin dagiti indio, ni
Ekselensia inna ida dadaelen, ni Ekselensia nalaing kuma, no agtalek kada Pulano, ken Sutano, kdmpy”, ket gapo ta ni Ekselensia,
pudno met a dina ammo toy a Daga, nga agpapan ita, kunana la
no adda sadi Amerika, ket maysa pay, addaan met iti kinadakes
ken kinakapoy, a kas amin a tao, pagangayanna ti mayat a masaritaan. Ni Ekselensia malagipna met a naglinget iti napigket a nanggun-od iti saadna ket ado pay dagiti linaklak-amna a rigrigat,
malagipna a taltallo laeng a tawen ti inna panagsaad, ket aglakayen ken masapol a saanen a dagiti tagtagainep ti inna panpanunoten, no di ket ti kasakbayanna: maysa a bassit a otel sadi Madrid,
maysa a balay iti kataltalunan a mapan pagin-inanaan, ken maysa
a nasayaat a pamataudan iti pirak a busbusen iti naparammag a
panagbiag iti Corte, isuda dagita ti rebbengna a sapulen sadi Pilipinas. Saan tay a dumawat iti milagro, saan tay a dawaten a inna
ikalikagom ti pagimbagan ti Pilipinas ti maysa .a tao nga umay ditoy a kas ganggannaet a umay agsapol iti kinabaknang, sa agtalaw
iti kalpasanna. ¿Ania kad kenkuana ti panagyaman wenno ti
panangilunod ti maysa nga Hi a dina am-ammo, a saan a iso ti
yan dagiti laglagipna, a saan a iso ti yan dagiti ay-ayatna? Ti
dayaw, tapno naimas, masapol a umaweng kadagiti laplapayag
dagiti ay-ayaten tayo, iti uneg ti balay tayo, wenno iti sidong ti
daga a nakayanakan, a isunto ti mangidulin kadagiti dapdapo tayo;
kayattayo a ti dayaw maisaad iti rabaw ti tanem tayo tapno inna
papuduten kadagiti rangrangna ti lamiis ni patay, tapno saan
tay a maminpinsan a mapukaw, no di ket adda sangkabassit a mabati kadatayo. Awan mabalintay a ikari a kasta kadagiti umay
ditoy a mangsaluad iti gasattayo. Ket ti makadakes unay, inda
tumalaw no daytay mangrugida a maawatan ti annong da. Ngem
umadayutayon iti intay sarsaritaen.
—Saan, kasangwanan ti intay panagsubli iti intay sarsaritaen itay, masapulko a lawlawagan dagiti sumagmamano a banbanag,— kinuna daydi bumaro a sipapardas. —Mabalinko nga annuguten a ti Turay saanna nga am-ammo ti Ili, ngem kunak a ti Hi adadda a dina am-ammo ti Turay. Addada agan-annong iti Turay nga
