—¡Ni! dika agbutbutcng! Ni Santiago saanna nga ibilang
ti bagi na nga indio; maysa pay, awan a sisasango ket . . . juray
pay adda! Dagita ket, kinaang-ang laeng dagiti sangsangpet.
Bay-am a mapalabasna ti sumagmamano a bulbulan; agbalbaliwto
ti panunot na inton masansanna ti mapan kadagiti ado a pagdadayaan ken bailujan (pagsasalaan), maturog iti katre ket makasida iti ado a tinola.
—¿Ti kuna yo a tinola maysa a bunga nga umad-adas iti loto a mamagbalin kadagiti tattao . . . kas la . . . managinlilipat?
—¡Ania a loto ka da loteria! —insungbat a nagkatawa ni Padre Damaso — ti la masasaom. Ti tinola, maysa a gulay a manok ken tabungaw. dMano nga aldaw mo a dimtengen? — Uppat nga aldaw — insungbat daydi bumaro, a napasakitan bassit. —d’Umayka nga agannong (empleado)? — Saan, apo; umayak a bukbukod ko laeng, tapno maamammok toy a ili. —!Ay, apo, naisalsalumina a billit!—kinuna ni Fr. Damaso, a kinitana a nalaing. — Umay ditoy a bukbukodna ket maipuon laeng iti ina-ang-ang! jAnia man met a datdatlagen! Idinto ta nagado dagiti pagpagbasaan ... no adda la ket dua ramayan a muging . . . aduda dagiti nagsursurat kadagiti kakasta a dadakkel a pagpagbasaan! No adda la ket dua ramayan a muging . . . — Kunayo itay, Padre Damaso, — inpasaksak daydi dominiko, a ginupedna dagiti sarsarita — a nagyankay iti dua pulo a tawen sadi San Diego ket pinanawanyo ... ddi kay aya naayatan ti ili? Ni Fr. Damaso, iti daytoy a saludsod a nabalikas nga awan an-ania na ken istay di ginagara, napukawna a naminpinsan ti ragsak na ket nagsardeng a nagkatawa.
—¡Saan! —kinunana nga inkaros a simamaga ket nagsanggir a kasta unay pigsa iti dakkel a tugawna. Daydi dominiko tinuluyna ti nagsao nga adadda pay a kas la awan ti ania man:
— Naldaang ngata ti pumanaw iti maysa nga ili a nagiyanan iti bayat ti dua pulo a tawen ket am-ammon a kas ti abito nga ar-aruaten. Siak, a ket, rinigatko ti pimmanaw sadi Kamiling, idinto a bassit la a bulan ti panagyan ko . . . ngem dagiti makaturay ka datao inaramidda a gapo iti pagimbagan ti Gimong . . . ken gapo iti pagimbagak pay met.
