tultuladen amin nga ar-aramiden dagiti naimbag a papadi. Gapo
iti aruaten da nga incuropeo, nalabit nga agan-annong wenno agturturay da iti probinsia.
Ni María Clara nailasinna ti nagbukbukel a bagi ni Padre Dámaso iti abay ti nataer a takder ni Padre Sibyla. Ni Padre Salvi, a di maaw-awatan ken sililiday, adda a di makagaraw iti yanna.
—¡Naliday!— kinuna ni Sinang;—panpanunutenna ti inna maibos gapo kadagiti ado a sangsañgailina. Ngem kitaenyonto ta saan a iso ti agbayad no diket dagiti sakristan. Kanayon la a dagiti sangsañgailina, manganda iti sabali a balay.
—¡Sinang!—inyanawa ni Victoria.
—Diak maan-anusan nanipod idi pinigispigisna ti Ligay ni Gasat; saanak nga agkonpesar kenkuanan.
Kadagiti amin a balbalay, adda maysa a naisalsalumina, awan silawna ket siririkep pay dagiti tawtawana: iso ti balay ti alperes. Nasdaawan iti kasta ni María Clara.
—Ni bruja! ti Musa Guardia Sibil, kas kuna tay lakay!— kinuna ni nakabutbuteng a Sinang. —¿Ania ngamin bibiangna kadagiti ragragsak tayo? Makapungpungtot ngata! Bay-an ta umay ti bayangubong ket makitamto no di agpadaya.
—¡Ngem, Sinang!-sinublian a inyanawa ni kasinsinna.
—Uray kaano man, diak maan-anusan, ket nangruna la ngaruden nanipod idi inna siningsiñga daydi rambak tayo kadagiti sibilna: No Arsobispóak la kuma, yasawak ken Padre Salvi... ¡Makitam kuma no ania ti anakda! Kitaem langen ta inna ket patiliw daydi nakakaasi a mangyurit a nagtapuak iti danom, tapno maparagsak la ni . . .
Dina natuloy ti saona: iti nagsulian ti lansangan a yan [i maysa a bulsek a mangidaydayyeng, a danggayanna iti maysa a gitarra, ti "Daniw dagiti Ik-ikan," adda naaramid a nakaddidillaw.
Maysa daydi a tao a nakakallugong iti dakkel a bulong ti labig ket nakaaruat iti nakurapay unay. Ti aruatna, maysa a supa a napirsapirsayen ken maysa a sapin a nalawa a kas la sapin ti sanglay, pigis-pigis iti ado a pasetna. Nakurapay a palluka ti sarapa dagiti dapdapanna. Ti rupana naminpinsan a naabbungan iti kallugongna, ngem iti daydi a sipnget adda sagpaminsan rumaniag a dua a silaw a madagdagos met la a maiddep. Natayag, ket kadagiti gargarawna, makita nga agkabanuag, pay laeng. Idissuna ti alatna
iti daga, sa umadayo nga aguni iti nakaddidillaw, saan a maaw-
