naipaabakna kadagiti manmanokna ken iti bangka, amin ti inabakna kadatayo idi piesta sadi Biniang, ken idi piesta ti Birjen
del Pilar sadi Santa Cruz.
"Ur-urayenmi a ni Kapitan Tiago ikuyugna ti manmanugangenna, ti nabaknang nga agtawid iti daydi Don Rafael, ngem kas nan sa ket kayat a tuladen daydi amana, ta di pay nagpakita. ¡Ilala pay! ¡Saan ton sa ket a paglak-aman daydiay a bumaro!
"Ni insik Carlos bumaknang gapo iti liam-po"; atapek nga adda ilemlemmengna, nalabit maysa a batumbalani; kanayon nga asugenna ti sakit ti ulona a nakabarabad ket no daytoy tebteb (cubo) ti liam-po agsardeng a mangin-inot, iso tay agdumog a istay na la masagid, a kas na itay kayat a paliiwen a nalaing. Napabutengakon, ta adda ammok a naaramid a kastan. "Ala, kastan, Choy; dagiti manmanok ko naimbag da laeng ket ni baket ko, naragsak ket agay-ayam met."
- "Toy gayyemmo.
- MARTIN ARISTORENAS."
Ni Ibarra adda met inawatna nga ababa a surat a nabangbangluan, a inted kenkuana iti karabiyan ti umuna nga aldaw ti piesta, ni Andeng, daydi kinakasuso ni María Clara. Ti surat kastoy ti saona:
"Crisóstomo: Nasurok a maysa nga aldaw a saanka nga agpakitan; nangegko nga adda bassit sagubanitmo, inlualuanka ket naneggedak iti dua a kandela, nupay inbaga ni ama a saan a nadagsen ti sakit mo. Idi rabii ken ita, inumadak a pinagtugtugtog iti piano ken inaw-awis a makisala. !Diak ammo a kastoy ti kaado dagiti manursuron ditoy daga! No saan kuma a gapo ken Padre Dámaso a mangikagkagumaan iti panagragragsakko, a kasta unay nagado a sasao ken sarsaritana, napanak kuma naglemmeng iti siled ko a naturog. Isuratmo kaniak no ania ti sakitmo, ta ibagakto ken ama nga umaynaka kitaen. Ita, ibaunko kenka ni Andeng, tapno ilutuannaka iti itsá: iso ammuna a saganaen a nalaing ket nalabit a nalalaing ngem dagita ubbing mo.
- MARIA CLARA."
"Pakamakam. No dika umay no bigat, saanakto nga umay
iti maaramid a rambak."
