Dagiti músiko nagdianada idi damuen ti init ti daya ti agbannawag, ket inda riniing kadagiti naragsak a tugtugtogda dagiti nabannugan nga agindeg iti ili. Ti biag ken ti garaw nagsublida a rimmangen; dagiti kamkampana nagrepikeda manen ket nangrugi met dagiti palpaltog.
Iso ti maudi nga aldaw ti piesta, iso ti pudpuno a piesta. Manamnama nga ado dagiti makitkita, ad-ado ngem idi kalman. Dagiti Ermanos ti V. O. T. ad-aduda ngem dagiti Ermanos ti Santisimo Rosario, ket dagiti kofradesna inda umis-isem iti nasingpetan a isem, ta namnamaenda nga inda imameg dagiti kasalisalda. Ad-ado a kandela dagiti ginatangda: dagiti in-insik nga agararamid iti kandela kasda la nagapit, ket iti pangipaduyakyakda iti inda panagyaman, panpanunutendan ti inda panagbuniag, nupay dagiti dadduma ipapatida a saan da nga agbunyag gapo iti pammatida iti kinakatóliko, no di ket gapo iti ayat da a makiasawa. Ngem iti daytoy, kastoy ti isungbat dagiti nasingpet a babbai:
—Uray pay kasta, ti panagasawa nga aggigiddan dagiti ado a sasanglay, sasáan, a di milagro, ket makaammudanton dagiti assawada a mamagbalbaliw kadakuada.
Dagiti tattao inkapetda dagiti kasayaatan a pagan-anayda; rimuarda kadagiti babassit a pagiduldulinan dagiti amin a balbalitok. Dagiti tajur ken mannugal nagiparammagda kadagiti badbadoda a naburdaan ken nabutunisan kadagiti dadakkel a briliante, nabantot a singdan ti relos a balitok ken napudaw a kallugong a jipijapa. Daydi laeng lakay a pilósopo ti saan a namal baliw; nagaruat iti kas patinayon; bado a sinamay a nagun-unsoy ti kulina a nalidem, naibutunis inggana iti tengnged, sapatos a nalawa ken kallugong a pieltro a kita ti dapo nga akaba ti bu longna.
—Naladladingitkay ita ngem kadagiti sabsabali nga al-aldaw! —kinuna kenkuana ti teniente mayor; —?diyo kayat aya
