nga agragsak met datao sagpaminsan, tangay ado unay dagiti intay
sangsangitan?
—Ti agragsak saanna a kayat a sawen nga agaramid datao iti minamauyong! —insungbat daydi lakay.— Iso dayta ti angang a panagbarbartek iti kanayon a tawen! ¿Ket, ania ti gapo amin dayta? ¡Daddadaelen ti pirak, idinto ta kasta unay nagado a pakarigatan ken pakasapulan! ¡Wen! ¡maawatakon, iso ti panagbartek, panagbussog iti nalabes, tapno malmes dagiti un-unnoy dagiti amin a tattao!
—Ammuyon a mayatak ita kunayo, —insungbat ni Don Filipo, a kas la nadeggang, kasla immisem. —Insakitko, ¿ngem, ania kad ti mabalinko a panangsupiat iti gobernadorsilio ken iti kura?
—¡Agikkat!—insungbat daydi pilósopo, ket immadayo.
Ni don Felipo napamayeng a dina ammo ti inna aramiden, ket inna sinipsiputan daydi lakay.
—¡Agikkat!— indaydayamudumna a nagturong iti simbaan, —¡agikkat! ¡Wen! no kuman toy a saad maysa a pakaitan-ukan ket saan a maysa nga kansion, wen, lagikkatak kuma!
Ti paraangan (patio) ti simbaan napunno kadagiti tattao: lallaki kada babbai, ububbing kada lallakay, a nakaaruat kadagiti kasayaatan a pagan-anay da, a kasta unay a panaglalaukda, sumbrek, rumuarda kadagiti nailet a ruruangan. Adda angot ti paltog kada kukuitis inda pagtarayen ken pagikkisen dagiti babbai, inda met pagkatawaen dagiti ububbing. Maysa a banda ti músika ti agtugtugtog iti sango ti konbento, adda nanguyog kadagiti agturturay iti ili, nga mangsursursor kadagiti lanlansangan, a yan ti kasta unay ruay a wagwagayway nga agkayabkayab ken agparparaypay. Lawag ken ado a buya ti mangay-ayam kadagiti atmata; naimas nga aweng ken danarudor ti mangngeg dagiti laplapayag. Dagiti kamkampana dida agsardeng nga agruprupikar; agsasabat dagiti luglugan ken kalkalesa a pasaray agkigtot dagiti kabkabayo a nagguyod, lumagtuda agsintada, iso a numan pay saan a nainaig iti, pagannurutan dagiti ramrambak, mainayon pay a buyaen, nga awan bayadna, ket maysa kadagiti kangrunaan.
Ti Ermano Mayor iti daytoy nga aldaw inbaunna dagiti ubbingna kadagiti lanlansangan nga agsapol kadagiti naawis a
makidaya a kas ti daydi nagpadayá a saritaen ti Ebanjelio. Pili-
