tenda ti agayab iti mapan makidaya, agsokolate, uminom iti kapé,
itsa, mangan iti sinamit, kdmpy. Saan a bassit daytay agbalin
pay a ringguren ti inda panagawis.
Maaramiden ti misa mayor, ti misa a naganenda iti "de dalmátika", kas ti daydi naaramid idi kalman a sinarita ti maikari a pannakabagi ti pagiwarnak, isuna la nga ita, ti agmisa, iso ni Padre Salvi, ket kadagiti mapan makimisa, addanto ti Alkalde ti probinsia ken ado pay a kakastila ken tattao nga addaan sursuro a mapan dumñgeg ken Padre Dámaso, iso a nalaós unay ti damagna iti amin ti probinsia. Ti pay alperes, a kasta unay a pannakagagaranan kadagiti sersermon ni Padre Salvi, mapan met tapno inna ipaduyakyak ti naimbag a panagnaknakemna ken agsubbot no mabalin kadagiti pampamayan kenkuana ti kura. Kasta unay nga agpayso ti damag ni Padre Dámaso, ta ti pannakabagi ti pagiwarnak inpaunanan nga insurat iti pagiwarnak na toy sumaridat:
"Kas inpakpakaunak kadakayon kadagiti nakusukuso a binbinnatog ko idi kalman, kasta ti naaramid. Naipadpaduma a gasat ti nalak-amanmi ta inkam nangñgegan ni M. R. P. Fr. Dámaso Verdolagas, daan a kura ditoy a ili, a nayalis iti sabali nga ili a dakdakkel kas supapak dagiti ado a naimbag nga ar-aramidna. Toy nagpaiduma iti laing a nangasaba iso ti nagyan iti kátedra ti Espiritu Santo, ket nagsermon iti nagpaiduma't sayaat ken nangpamayeng kadagiti amin a tattao a siuuray ken sigagar a mangdengeg kadagiti nalamiis a sermonna a makaited salun-at ken ubbog ti biag nga agnanayon. Nauneg dagiti panpanunotna, natured ti pannakaurnosda, baro ti pannakaisao da, nataraki ti pannakaibbetda, nalukay ti panaggarawna, naragsak ti panagbalikasna, nabaneg dagiti palpalawag na, dagitoy isuda man dagiti gunggundaway toy Bossuet a kastila, a pudno unay ti inna pannakagun-od iti panangidaydayaw kenkuana saan la a dagiti addaan sursuro a kakastila, no di pay ket dagiti nakuneng a indio ken dagiti nasikap a sasanglay."
Nupay kasta, toy managtalek a pannakabagi, bassit la bassit ti saanna a nangibabawyan iti nalpasna nga insurat. Ni Padre Dámaso inasugna ti bassit a panateng a naalana iti kasangwanan a rabii: kalpasan ngamin ti inna panagkanta iti naragsak a peteneras, nangan iti tallo baso a sorbete ket napan pay nagbuya iti nabiit. Gapo itoy, kinayatna kuma a saanen a iso ti mangipagteng iti sao
ti Dios kadagiti tattao, ngem agsipod ta awan met masarakan a
