Awan naadawmi no di la sangkabassit iti daydi maikadua a
paset ti sermon, wenno daydi sao ti tagalog. Ni Padre Dámaso di
na isagsagana ti sermonna iti daytoy a pagsasao, saan a gapo ta
adadda nga ammuna, no diket gapo ta ipatuna a dagiti pilipino a
taga probinsia awan ammo da maipapan iti retórika, ket iti kasta,
saan a mabuteng nga agsalsalawasaw iti saklangda. Kadagiti
kakastila, sabalin: nangngegna nga addada an-annuruten iti nasayaat a panagbitla ket kadagiti agdengdengngeg kenkuana, mabalin
nga adda maysa a nagadal, nalabit ti apo Alkalde Mayor; gapona nga isuratna ti sermonna, tarimaanenna, linisenna a nalaing
sana adalen a ipaulo ket inna sanayen iti bayat ti dua nga aldaw.
Damag nga awan kadagiti sisasaklang ti nakaawat iti nagpukpukan ti sermonna; napalalo ngamin kinakuriteng ti isip da, ket ti mangasaba, nauneg unay, kas kuna ni Ermana Rufa, ket iti kasta, dagiti agdengdengngeg nagbanbannugda laeng a nangururay iti kanito nga inda panagsangit, ket daydi nagunggan nga apuko daydi baket a mananglualo nakaturog manen.
Nupay kasta, toy a paset ti sermon, ad-ado ti pinataod ngem ti immuna, no saan a kadagiti amin a tattao, kadagiti sumagmamano a nagdengngeg, kas makitatayto no madamdama.
Nairugi iti sao a "Mana kapatir kon kristiano" a sinaruno dagiti ado a sasao a saan a mabalin a yulog; nasasauna ti kararua, ti inpierno, ti "majal na santo pintakasi", (napateg a santo a katalek-patron), dagiti managbasol a indio ken dagiti nasingpet a papadi a pransiskano.
—Menehe! —kinuna ti maysa kadagiti dua a saan a managraem a taga Manila iti kaduana;-sao ti griego dayta kaniak; innakon.
Ket gapo ta nakitana a siririkep dagiti ruruangan, rimuar iti sakristía a kasta unay a pannakariribok dagiti tattao ken ti agsersermon, iso a bimsag, ket dina natuloy ti saona; addada immuray iti maysa a sao a naunget, ngem ni Padre Dámaso isuna la nga inna sinipsiputan ket intuluyna ti sermonna.
Ado a lunod ti rimuar a naipaay kadagidi nga al-aldaw, iti kurang ti panagraem, iti sumingsingising a saan a pammati iti relijion. Daytoy kas la iso ti paglaingan ni Padre Dámaso, ta inpakitana a napaltiingan, ket napigsa ken nalawag ti inna panag-
________________
1 Manga kapatid kong kristiano, iti nalinteg a panagsao iti tagalog;
Kakabsatko a Kristiano, iti sao't Iloko.
