sao. Natagamtamna dagiti managbasol a saan nga agkonkonpesar, a matay iti pagbaludan a saan a mapulutan, dagiti nailunod
a sangakabbalay, dagiti mestisilio natangsit ken suplado, dagiti
agkakabanuag nga aginsisirib, dagiti pilosopilio, abogadilio, estudiantilio, kdmpy. Paggaammon ti kadawyan dagiti ado a tattao
no kayatda a laisen dagiti kabusorda: ilio amin ti paggibusan ti
ipanaganda, ngamin ta ti utek da awan sa ti sabali a mabalinna
a patauden ket iti kasta, maragsakanda unayen.
Ni Ibarra nangngegna amin ket naawatanna dagiti paspasagid. Tinaginayunna ti talnana, ket kadagiti matmatana sinapulna ti Dios ken dagiti agturturay, ngem sadiay, awan sabali nga adda no di bin-ig a ladladawan dagiti sasanto, ket ti Alkalde, agdungdungsa.
Iti kasdi, rumasrasok a rumasrasok ti rayray ti panagbitla ti agsermon. Inna natagamtam dagiti un-unana nga al-aldaw idi ta dagiti amin a pilipino, no makasabatda iti maysa a padi. ikkatenda ti kallugongda, iparintumengda iti daga ti maysa a tuodda ket agependa ti imana. "¡Ngem, itan," innayunna, "isuna la nga ikkatenyo ti kallugong wenno ti sombrero yo a kastorilio, nga inkay ikabil a patingigen iti ulo yo tapno saan a makuso ti buokyo a nabisngay! Isuna la a kanayon: "¡Naimbag a bigat yo, among!" ket addada pay natangsit a estudiantilio de poko latín, a gapo ta nagadalda sadi Manila wenno sadi Europa, pagarupenda nga adda kalintengan da a makipinnetpet kadakami iti ima, idinto a rebbengda kuma nga agepen... ¡A! ti kanibusanan ti lubong dandani dumtengen, ti lubong aggibusen, ado a sasanto dagiti nangipadto, agtudo iti apoy, bato ken dapo, a dusa ti tangsit yo!"
Ket inna binagbagaan ti Ili tapno saanna a tultuladen dagidiay a salbaje, ngem inna ket ida adaywan ken guraen, ta esko mulgado da.
"Denggenyo ti kuna dagiti santo a konsilio!" -kinunana.
"No ti indio makasabat iti lansangan iti maysa a kura, itamednanto ti ulona ket igayatnanto ti tengngedna, tapno ti among adda pagsadaganna: no ti kura ken ti indio nakakabayuda a dua,
ti indio agsardengto, ikkatennanto ti kallugong wenno ti sombrerona a sipapakumbaba; kamaudiananna, no ti indio nakakabayo ket ti kura magmagna, ti indio dumsaagto ket dinanto rebbeng a sublian a sakayan ti kabayona inggana iti di kuna ken-
