a torno, a mabalin a paggunayen ti dua a palitek, nayunan
na iti agsañgagasot ti pigsa ti maysa a tao, gapo kadagiti ligligay
a nagngipen, ngem ti alaenna a pigsa, mapukawna iti pardas.
—Kitaenyo, kunkuna daydi lalaki a nakusnig, ket pinuligusna ti palitek;— kitaenyo, Nior Juan, ta uray si-siak a maymaysa maingato ket maibabak daydiay dakkel a bato... Nasayaat unay ti pannakaaramidna, ta mabalin a rukuden ti nainayad a i-ngangato wenno ibababana, ket iti kasta, mabalin ti maymaysa a tao ti mamagakob manipod iti bubon a nasayaat kadagiti dua a batbato, no madama met a tengtengngelek ditoy.
Ni Nior Juan dina nabalin a di nagsiddaawan daydi lalaki nga umis-isem iti naipadpaduma unay. Dagiti agbuybuya agsasauda met ket inda ipadpadayaw daydi lalaki a nakusnig.
—¿Asinno ti nagsursuruan yo iti maipapan kadagiti makma kina?— sinaludsod ni Nior Juan.
—¡Daydi ama, daydi nagawan nga amak! -insungbatna a pinakuyuganna iti napalpalasin a isem na.
¿Ket, daydi amayo . . .
—Daydi Don Saturnino, daydi apo ni Don Crisóstomo.
Diak ammo a daydi Don Saturnino . . .
—¡O! ¡ado ti ammona! Saan la a nalaing nga agkabil, ket inna pay ipalag dagiti pagbannugenna; ammuna pay a riingen dagiti nakaturog ken paturugen dagiti siririing. ¡Makitayunto inton dumanon ti kanito ti insuro kaniak daydi ama, makitayunto!
Ket daydi lalaki a nakusnig immisem, ngem naipadpaduma unay.
Iti rabaw ti maysa a lamisaan, a naarpawan iti lupot a nag- gapo sadi Persia, iso ti yan ti buli a nagbukel ken dagiti dadduma pay a inda maidulin iti daydi kas la tanem: maysa a lakasa a sarming a napuskol ti manglaunto iti daydi a pakakitaan iti maytawen ket isunto ti mangidulin kadagiti pakalaglagipan iti nalabes a innanto ited kadagiti masakbayan a kapkapututan. Ni pilósopo Tasio nga agpalpallailang sadiay a sipapanunot, kunkunana:
—Nalabit addanto aldaw, inton toy aramid a mairugi ita, malakayanen kalpasan dagiti ado a mapaspasamak inton marba gapo iti pigsa ti Nakaparsuaán wenno gapo iti managdadael a ima ti tao, ket kadagiti nakarkarbaanna inton tumubo ti kanunong ken
ti lumot; ket into man no mapukawdan ti lumot, ti kanunong ken
