panpanaganan kadagiti di maaw-awatan a tantanda a "M. R. P.
Fr." a dagiti mamasirib tayo saanda nga agsusurot iti pangitarusan. Ti panglaingen bassit a mangisursuro kadagiti pagsasao, ta sangsangagasot laeng dagiti ammona kadagiti saan
a nasayaat a pagsasaoda idi ugma, kunana a dagiti tantanda a
"M.R.P." kayatda ngata a sawen MUY RICO PROPIETARIO
(Baknang unay nga aduan kukua), ta dagitoy a panpannakabagi
(minministro) kas da la Dios a babassit, nasingpetda unay, nalaingda unay a bumitla, masiribda unay, ket numan pay kasano ti
naindaklan a bileg ken pannakabalinda, uray kaano man dida
nagaramid iti kabassitan a biddot, iso a mangpapigsa iti pammatik no pagatapek ida a sabali da a parparsua a naiduma ti gagangayda kadagiti sabsabali a nabiag. Ket no kas ta toy di
pay la umanay a mangpaneknek iti saok, adda pay maysa a mabalinko nga inayon, nga awan siasinno man a makabalin a
mangsalungasing, ket tunggal aldaw adadda a mapaneknekan, a
dagidi nalmeng a nabiag inda paulugen ti Dios ditoy rabaw ti
daga babaen laeng ti inda panangbalikas kadagiti sumagmamano a sasao; a ti Dios dina mabalin ti agsao no saan a babaen
ti ngiwatda; ket inda pay kanen ti Dios, ket inumenda pay ti
dara Na; ket saan met a bassit dagiti dardara a inda inpakan
dayta ti Dios kadagiti tattao a kaaduan . . ."
Dagitoy ken sabsabali pay ti inda paisasao daydi di mamatpati a pilosopo iti ngiwat dagiti dakes a tattao iti kasakbayan. Nalabit agriro ni lakay Tasio, iso a nalaka unay, ngem subliantay ti sarital tayo.
Kadagiti abong-abong a nakitatay idi kasanga-aldaw a yan ti mangisursuro ken dagidi ka-ad-adalan a, iso ita ti pakaisagsaganaán ti pangaldaw, a kasta unay nagado ken nagbuslon. Nupay kasta, iti lamisaan a naipudi kadagiti ububbing nga agad-adal, awan uray la no maysa a botelia ti arak, ngem ket di ad-ado dagiti bungbunga. —Iti palapala a namagtipon kadakuada iso ti nakaikabilan dagiti tugtugaw a naisagana kadagiti músiko ken maysa a lamisaan a napunno kadagiti sinsinamit ken nadumaduma a makmakan, pinarparasko a danom, a nabalangatan da kadagiti bulbulong ken sabsabong, naisaganada kadagiti mawawan sa mapan agbuya.
Ti mangisursuro nagpaipatakder iti kawayan a napulupuluan iti sebo, nga iti tuktokna adda naikabil a pirak a naisupot;
