bak a ti pategna inkay maawatan a di ket masapol a inkam
ibagbaga kadakayo. Maysa a Pagadalan ti maibangon; ti Pagadalan iso ti batay ti pagilian, ti Pagadalan iso ti pagbasaan
nakailanadan ti kasakbayan dagiti il-ili! Ipakitayo kadakami
ti Pagadalan ti maysa nga ili ket inkamto ibaga kadakayo
no ania dayta nga ili.
"Agindeg ditoy San Diego!" Dayawenyo ti Dios a nangted kadakayo kadagiti nasingpet a papadi, ken ti Turay ti Espania a di mabannog a mañgisaksaknap iti sursuro kadagitoy nadameg a purpuro, nga am-ampayagenna babaen ti nagloriaán a dalungdongna! Dayawenyo ti Dios a nangngaasi kadakayo, ta inbaunna kadakayo dagitoy napakumbaba a papadi a manilaw ken mangisuro kadakayo iti nadiusan a sao! Dayawenyo ti Turay a kasta unay a rigrigat a linaklak-amna, laklak-amen ket lak-amennanto iti kasakbayan gapo kadakayo ken gapo kadagiti annak yo!
"Ket ita ta mabendisiunan ti umuna a bato toy napateg unay a balay, Dakami, Alkalde Mayor toy a probinsia, iti napan ti Natan-ok nga Ari, a saluadan ti Dios, ti Ari dagiti Espania, iti nagan ti naslag a Turay a kastila ken babaen ti pan-nalaknib ti wagaywayna a di namulitan ket kankanayon nga agbalballigi, Dakami idatunmi toy nga aramid ket rugyanmi ti pannakabangon toy a Pagadalan!
"Agindeg ditoy San Diego! pania! ¡Agbiag dagiti papadi! ¡Agbiag ti Ari! ¡Agbiag ti EsAgbiag ti Relijión a Katólika!" ¡Agbiag! ¡Agbiag! —insungbat ti ado a timek, —¡Agbiag ni apo Alkalde!
Toy immulog iti kalpasanna a sidedeggang a tinugtugan ti músiko; nangikabil iti mano kaidos a darat ken apog iti rabaw daydi bato, ket kas met la ti deggangna nga immulog, kasta met ti deggangna nga immuli.
Dagiti agan-annong nagsisipatda.
Ni Ibarra nangigayat iti sabali nga idos a pirak iti kura, iso, a kalpasan ti apagbiit a panangkitana kenkuana kadagiti matmatana, immulog a si-inayad. Idi maguduana ti agdan, timmangad, ta kinitana daydi báto a sibibitin ket tinengngel
dagiti dadakkel a taltali, ngem toy apagbiit laeng ket intuluyna ti bimmaba. Tinuladna ti inaramid ti Alkalde, ngem ita, ad-
