ado dagiti nagsipat: kadagiti agan-annong timmipon dagiti
praile a dadduma ken ni Kapitan Tiago.
Ni Padre Salvi kasla itay sumapsapol iti pangtedanna iti idos; kinitana a kas la agduduadua ni María Clara, ngem simmabali ti panunotna, ket inggayatan ti Eskribano. Toy, iti ayatna a mamadayaw kadagiti babbai, immasideg ken María Clara, iso a nagmadi, ket immisem. Dagiti praile, dagiti aganannong ken ti alperes immulugda amin a nagsasaruno. Ni Kapitan Tiago saanda a nalipatan.
Agkurang ni Ibarra, ket ibilinda kuman a daydi lalaki a nakusnig inna ipababa daydi bato, idi ta ti kura nalagipna ti bumaro, ket kinunana kenkuana, a timekna ti kas la nara-bak ken kasla na-inggagayyeman unay:
¿Dikay mapan mangikabil ti bagiyo, apo Ibarra?
¡Agbalinakto a Juan Palomo; siak ti agluto, siak met la ti mangan!— insungbat toy iti kasdi met la a timek.
—¡Inkayon! kinuna ti Alkalde ket indurunna iti nainayad; no saan, ibilinko a saan da nga ibabbaba ti bato ket agyantay ditoy inggana iti aldaw a pannakaukom ti lubong.
Iti daydi nakabutbuteng nga ames, ni Ibarra nagtungpal. Insukatna ti bassit a idos a pirak iti maysa a dakkel a landok, iso a nangpaisem kadagiti dadduma a tattao, ket bimmaba a sitatalna. Ni Elías inna sipsiputan a di maibuksilan ti danag na no inna kuma nakita, mabalin a kuna nga amin ti biagna adda kadagiti matmatana. Daydi lalaki a nakusnig kitkitaen. na ti abot nga adda iti baba dagiti saksakana.
Ni Ibarra, kalpasan ti panangkitana iti apagdarikmat iti daydi bato nga adda nga agbibitin iti ngatuen ti ulona, kasta met ken Elías ken daydi lalaki a nakusnig, kinunana ken Nior Juan, a sipipigerger bassit ti timekna:
¡Ikkandak iti tawing ket isapulandak iti sabali nga idos, idiay ngato!
Ti bumaro nabati a maymaysa. Ni Elías saan a iso ti kitkitaenna: dagiti matmatana addada a nailansa iti ima daydi lalaki a nakusnig, iso a sitatammidaw iti abot, ket sursurutenna ti gunay ti bumaro.
Nangngeg ti uni ti idos a namaglaok iti darat ken apog iti
let-ang ti nakapoy nga anasa-as dagiti agan-annong a nangkablaaw iti Alkalde gapo iti bitlana.
