II
NI CRISOSTOMO IBARRA
Saan da met a nalapsat wen ket di met nasayaat ti kawes da a babbalasang, tapno tumaliawda amin agraman pay ni Fr. Sibyla; di met ti Kapitan Jeneral ken dagiti ayudante na, tapno ti teniente idianna ti inna panagmalmalanga ket umaddang; ket ni Fr. Damaso kas la bimmato; di ket a sabali no di ti akinladawan iti daydi nakaprak. nga adda kinibinna a maysa a bumaro a sipapanes iti naiget. —jNaimbag a rabiiyo, appo! jnaimbag a rabiiyo, Padre! — kasta ti immuna a sinao ni Kapitan Tiago, nga inagepna dagi ti im-ima dagiti papadi, isuda a nalipatanda pay ket din ti namendision. Daydi dominiko inikkatna ti sarmingna, tapno makitana a nalaing daydi bumaro a sangsangpet, ket ni Fr. Damaso bimsag ket dagiti matmatana kasta unay ti kadadakkelda.
—jSidadayawak a mangyam-ammo kadakayo ken don Crisostomo Ibarra, anak daydi Dios ti agaluad a gayyem ko! — intuloy ni Kapitan Tiago; — sangsangpetna a naggapo sadi Europa ket napanko sinabat. Iti daydi a nagan, addada nangngeg a nagsiddaaw; ti teniente nalipatanna a kinablaawan ti bumalay; immasideg iti daydi buma ro ket inam-amirisna manipod saka inggana ulo. Ti bumaro, iti daydi a kanito, makikinkinnablaaw, kas kadawyan, kadagiti amin a sisasaklang; kas la awan ti nakaddidillaw kenkuana no di laeng ti aruat na a nangisit iti laem daydi a tallaong. Ti kasayaatan na a kinatayagna, dagiti linglingay ken gunggunayna, nupay kasta, isaknapda ti banglo ti nasalun-at a kinabanuag a ti bagi ken ti kararuana agpadpadada a nataripato. Iti rtipa na a nalawag ken naragsak, adda madlaw a sangkabassit a dara ti kastila a maanninawan iti nasayaat a kinakayumanggina, a lumabbasit bassit da giti pingpingpingnj, gapo ngata iti panagyanna kadagiti il-ili a nalamiis.
- 14-
