Inamirisda ti bangkay, inpatayda dagiti im-imada iti barukongna, ngem ti pusona saanen nga agpitik. Ti ulo na iso
ti naimalo ket agruar ti dara iti agong, ngiwat ken lapayagna.
Adda nakitada iti tengngedna a lamma a nakaddidillaw: uppat a nauneg iti maysa a bangir ket iti sabali adda manen
maysa, nupay dadakkel: no inna ida makita, makuna a maysa
nga ima a paslep ti nangtengngel kenkuana a kas la sipit.
Dagiti papadi kinablaawanda ti bumaro, pinetpetanda ti imana. Daydi pransiskano a langana ti napakumbaba, iso a nagespiritu santo ken Padre Dámaso, kunkunana a matana ti makasangsangit:
—Ti Dios nalinteg, ti Dios naimbag!
¡No panunutek a itay laeng, addaak sadiay! -kunkuna ti maysa kadagiti agan-annong ken Ibarra, kunak! no siak ngata ti naudi, Jesús!
—Sumsumgar ti dutdot ko! —kinuna met ti maysa a pangalkalbuen.
—¡Naimbag ket di ta dakayo ti nakaaramidanna a di ket siak!— indayamudon met a mamigpigerger pay laeng ti maysa a lakay.
—¡Don Pascual! —kinuna dagiti dadduma a kakastila.
—Appo, kinunak daytay ta toy bumaro saan a natay: siak, no diak napisit, natayak kuma iti kalpasanna gapo la iti innak panangpanunot.
Ngem ni Ibarra nakaadayon a napan nangamad iti kasasaad ni María Clara.
—Saan a daytoy ti pakaigapuan ti saan a pakaituluyan ti rambak, apo Ibarra! —kinuna ti Alkalde; —¡agyamantay iti Dios! ¡Ti natay saan a padi, saan met a kastila! ¡Rambakantay ti pannakaispalyo! ¡Kitaenyo tano maalanakay ti bato idiay baba!
!Adda agparparikna, adda agparparikna! —kunkuna met ti Eskribano; —kunak itayen: Ni apo Ibarra madi itay a bumaba. ¡Nakitak itayen!
—¡Indio laeng ti natay!
¡Matuloy ti rambak! ¡Musika! ¡saan a pagungaren ni liday
ti nalpas a natay! ¡Kapitan, maaramidto ditoy ti maiparbeng a
