pangpalutpot ....! ¡Umay ditoy ti direktorsilio! . . . ¡Mabalod ti maestro de obras.
—¡Ikabilyo iti pangaw (cepo)!
—Ipangaw! ¡E! ¡músíka! músika! likabilyo iti pangaw ti maestriliol
———Apo Alkalde,— kinuna ni Ibarra a sidedeggang: —no ni liday dina mapagungar ti nalpas a natay, adadda a mapagungar ti pannakabalod ti maysa a tao a di pay met la ammo no adda basolna wenno awan. Siak ti agsungbat kenkuana ket dawatek ti wayawayana uray kadagitoy la nga aldaw.
—¡Ala wen, ala wen! ¡ngem saanna nga ulitanen!
Adda amin a kita dagiti sasao nga agwarwaras. Ti milagro nalpas a naannuguten. Ni Fray Salvi, nupay kasta, kas la di maragsakan iti daydi a milagro, nga ipaaramidda iti maysa a santo a kagimunganna ken patron ti ili a pagkura-anna.
Di met nagkurang ti nanginayon a nakakita idi manarimaan a marpuog amin a di mangan-ano, nga immulog iti bubon ti maysa a bagi a nakaaruat iti nalidem, a kas la aruaten ti pransiskano. Awan duadua iso daydi, saan a sabali, ni San Diego. Naammuanda met a ni Ibarra nakimisa, ket daydi lalaki a nakusnig saan; nalawag a kas ti lawag ti init.
¿Makitam? sika dimo kayat itay ti mapan makimisa,— kinuna ti maysa nga iná iti anakna —no dika kinabil a pinangpilitko kenka a napan, ita inka kuma idiay tribunal a kas ti dayta, naikarison.
Pudno, ta daydi lalaki a nakusnig wenno ti bangkayna, a nabungon iti ikamen, ipanda idi iti tribunal.
Ni Ibarra nagtartaray a napan iti balayna a napan nagsukat.
—Dakes a rugi, jm! —kinuna ni lakay Tasio nga immadayo.
