uneg ko adda nagkuna a ti atapko, agpaypayso, ket iso ti gapo
na a pinilik ti innak panangibaga kadakayo, ti maysa a kanito a
maikanatad tapno didak mabalin a pagsaludsudan. Ti dadduma
nakitayon.
Nabayagen a nagsardeng ni Elías ket saan pay a simmungbat wenno nagsao iti uray la no maysa a balikas ni Ibarra. Sipapanunot piman.
—¡Ladingitek ta natay daytay a tao! —nakunana idi agangay; —nabalin kuma a napalutpot kenkuana dagiti sabsabali pay!
—No kuman nagbiag, inna kuma nailisi iti agtigtigerger a ima ti bulsek a linteg dagiti tattao. Ni Apo Mugna iso ti nangukom kenkuana, ti Apo iso ti nangpatay kenkuana, ni laeng Apo Mugna kuma ti kakaisuna nga Ukom!
Ni Crisóstomo kinitana iti apagbiit daydi tao a kasdi man ti inna panagsasao sana linukaisan dagiti nabaneg a taktakiagna, a napun no kadagiti gargaradgad ken dondonor.
—¿Mamatikay met iti milagro? —kinunana nga immisem; —¡kitaenyo man ti milagro a kuna ti ili!
—No kuman mamatiak iti milagro, saannak kuma a mamati iti Dios: mamatiak kuma iti maysa a tao a nagbalin a Dios, mamati-ak kuma a pudno a ti tao isu ti namarsua iti Dios a ladawan ken ka-aspingna, —insungbatna a sidedeggang:—ngem siak mamatiak kenkuana; saan a naminpinsan a innak narikna ti ima Na. Itay ta narsuod amin a kasna kayat a rebbaen amin nga adda iti daydiay a disso, siak, siak tinengngelko tay dakes a tao, nagyanak iti abayna: iso, nasugat, ket siak, si-sasalun-atak ket naispalak.
—¿Dakayo? ¿no kasta, dakayo...?
—¡Wen! tinengngelko itay kayatna ti tumaray, itay ta nalpasnan a narugyan ti dakes nga aramidna: nakitak ti biddotna.
Kunak kadakayo: ¡ni laeng Apo Mugna ti kakaisuna nga Ukom dagiti tattao. Is-iso laeng a maymaysa ti addaan kalintengan iti biag; ti tao uray kaano man dina sigpen a sukatan!
-Ket nupay kasta, dakay ita . . .
—¡Saan! —ingguped ni Elías a naawatanna ti kayat a sawen ni Ibarra,—saanna a pada. No ti tao ikeddengna a matay dagiti
sabsabali a tattao wenno dadaelenna nga inggana iti ingga-
