na ti kasakbayanda, aramidenna nga awan ket pagpeggadanna, ket pigsa ti sabali a tao ti aramatenna a mangitungpal iti
inkeddengna, keddeng, a iti kamaudiananna, mabalin a killo
wenno riro. Ngem siak, itay innak indiaya tay dakes a tao iti
peggad a inna sinagana kadagiti sabsabali, indiayak met iti bagik iti daydiay met la a peggad. Saan ko a pinapatay, binay-ak a
ti ima ti Apo iso ti nangpatay kenkuana,
-Saan kay a mamati iti maipatpatang?
-Ti pammati iti maipatpatang kapada met la ti pammati iti milagro: dagita dua a banbanag pagarupenda a ti Apo saanna nga ammo ti kasakbayan. ¿Ania kad ti kuna a maipatpatang? Maysa nga aramid nga awan uray siasinno ti nangipagarop a maaramid. ¿Ania ti milagro? Maysa a pannakakanniwas, maysa a pannakadadael dagiti linlinteg a naikasigod kada- giti naparsua. Ti saan a pannakaammo iti di pay maaramid ken ti pannakakanniwas dagiti linlinteg a tungtungpalen dagiti nabiag, nga atapen nga adda iti dayta sirib a mangiturturong iti lubong, kayuluganda
ti dua a banag a mangipakita iti dakkel a
pagkurangan. -Siasinno kayo? -sinubli a sinaludsod ni Ibarra a nagbuteng bassit; nagadalkayo?
-Namatiak unay iti Apo gapo ta napukawko ti pammatik kadagiti tattao; -insungbat daydi mangyurit a linisianna ti saludsod.
Ni Ibarra kasna naawatan daydi makamkamat a bumaro: saan a mamatpati iti linteg dagiti tattao, saanna a bigbigen ti kalintegan ti tao a mañgukom kadagiti padana a tattao, supiatenna ti pigsa ken kinangatngato dagiti dadduma a tattao kadagiti sabsabali.
-Ngem masapol nga annugutenyo a masapol ti kaadda ti linteg dagiti tattao, nupay kasano a pagkuranganna, -insungbatna. -Ti Apo, nupay kasano a kaado dagiti panpannakabagina ditoy dága, saanna a mabalin, kayatko a sawen, saanna nga ilawlawag a isao ti pangngeddeng Na tapno maringpas dagiti riniwriw a supsupiat a patauden dagiti kinkinadakes tayo. ¡Nasken, masapol, nalinteg a ti tao inna met ukumen sagpaminsan
dagiti padana a tattao!
