This page has been validated.
—Wen, no pagaramidna iti imbag; saan, no pagaramidna iti
dakes; wenno pangtarimaan ken pangpasayaatna, saan, no pangdadaelna, tano agriro iti pangngeddengna, iso awanan iti pannakabalin a mangipamuspusan iti dakes a inaramidna. Ngem,
—innayunna a simmabali ti timekna, -toy pagsarsaritaan tayo
nabilbileg ngem ti pigsak, ket inkay ket taktaktakenen ita ta
adda agur-uray kadakayo. Saanyo a liplipatan ti kalkalpasko
nga inbaga: addada kabusoryo; agan-annadkayo a patinayon
gapo iti pagimbagan ti ili yo.
Ket nagpakada.
—¿Kaanunto manen ti pannakakitak kadakayon? —sinaludsod ni Ibarra.
—Iti uray ania a kanito a kayatyo, ken no la ket adda mabalinko a pagpaayan kadakayo. ¡Adda pay la utang ko ka dakayo!
