Sadiay, iti linong daydi naramenan nga abong-abong, iso ti yanda a mangmañgan dagiti dadakkel a tattao ti pangukuman.
Ti Alkalde nagtugaw iti maysa a murdong ti lamisaan; ni Ibarra nagtugaw met iti sabali a murdong. Iti makanawan ti bu- maro, iso ti nagtugawan ni María Clara, ket iti makatigidna, ti Es- kribano. Ni Kapitan Tiago, ti alperes, ti gobernadorsilio, da- giti praile, dagiti agan-annong ken dagiti sumagmamano a bab- balasang a nagbati, nagtugawda met, ngem saan a naannurot ti galad ti tumunggal maysa, no di la ti kinaykayat da a nagtug- tugawan.
Nabiag ket naragsak ti pannangan, ngem idi maguduan, ad- da babaunen ti Telégrapo a nangsapol ken Kapitan Tiago, ta adda intedna a telegrama. Ni Kapitan Tiago, kas kadawyan, dimmawat iti palubos tapno mabalinna a basaen, ket amin dagiti sisasaklang inda dinawat a basaenna.
Daydi maikari a Kapitan immuna a pinagkuribetbetna dagiti kidkidayna, sana ida inpangato: ti rupana bimsag, sa rim- maniag, idi kuan, dinardarasna a kinupin daydi papel ket tim- makder:
—Appo! -kinunana a sidadanag, —ni Ekselensia, ti Kapi- tan Jeneral umayna padayawan no malem ti balay ko!
Ket nagtaray a inkuyugna daydi papel ken ti pagpunas, ngem awan kallugongna, a kinamakam dagiti ado a salsaludsod.
Saan kuma a napalpalalo ti pinataod ti damag nga adda simbrek a tulisan.
—¡Ngem, denggenyo! —Kaano ti yaayna? —¡Ibagayo man a kadakami!— ¡Ni Ekselensia!
Ni Kapitan Tiago nakaadayon.
—¡Umay ni Ekselensia ket agdagus iti balay ni Kapitan Tia-
