—¿Ania a bassit?— kinuna ti alperes; —nasdo ngata, ket,
kas kunada dita, kas la namalmalo. ¡Ania ket tay sermon nan!
—¡Maysa a sermon a naiparungbuan, naindaklan! -kinuna ti Eskribano.
¡Nakasaysaya-at, nauneg! —innayon ti pannakabagi ti pagiwarnak.
—Tapno mabalin tagsao iti kastoy, masapol ti kaadda ti bará a kas ti barána, —kinuna met ni Padre Manuci Martín
Daydi agustino, bará laeng ti ipalubusna a paglaingan ni Padre Damaso.
—Ken ti lakana a mangisawang kadagiti panpanunotna, —innayon ni Padre Salvi.
—¿Ammuyo, appo, a ti paglutlutuen ni apo Ibarra iso ti kalaingan ditoy a pangukuman?—kinuna ti Alkalde, a ginupedna dagiti sarsarita.
—Iso ti kunak, ngem ti nalibnos a balasang nga adda iti abayna dina kayat a padayawan ti lamisaan, ta apaman la no ramananna dagiti sidsida,— insungbat ti maysa kadagiti aganánnong.
Ni María Clara limmabbaga.
—Agyamanak unay ken apo baknang... napalalo a panangigigirna itoy numok, —intanamitimna a si-aalumiim, —ngem.
—Ngem dakkel a panımadayaw yon ti kaaddayo a sisasango,— intuloy ti managpadayaw nga Alkalde, sana tinaliaw ni Padre Salvi.
Padre Kura,— innayunna iti napigsa a timek! - madlawko a si-u-ulimek ket sipapanunutkayo iti amin toy nga aldaw. . .
—¡Ni Apo Alkalde, nakabutbuteng nga agpali-iw! —kinuna ni Padre Sibyla, iti naipadpaduma a timek.
—Iso dayta ti kadawyak, intanamitim daydi pransiskano,— kaykayatko ti agdengdengngeg ngem ti agsao.
—Kaykayat ngamin ni Reberensia ti mañgabak ngem ti paabak! —kinuna a nagangaw ti alperes.
Ni Padre Salvi nadi a nakirabak: dagiti matmatana rimmaniagda iti apagbiit ket simmungbat:
—¡Ammo a naimbag ni apo alperes a kadagitoy nga alaldaw saan a siak ti mangabak wenno paabak!
