—jNi!—kinunana a sisisiddaaw ken siraragsak;—ti kura
sadi ili mi! ni Padre Damaso, ti kasimpungalan a gayyem daydi
ama!
Amin dagiti matmata tinaliawda ti pransiskano: toy saan a
nagkuti.
—jPamakawananyo, naallilawak! —innayon ni Ibarra a nagmalanga.
—jSaan ka a naallilaw! —naisungbat idi agangay ni Padre
Damaso, a nagbaliw ti timekna. — Ngem daydi amam, kaano
man, saan ko unay a gayyem.
Ni Ibarra inin-inayadna nga inyadayo ti imana nga inna
inggayat, ket kinitana a sipupunno iti siddaaw; simmango iti
sabali, ket nasarakanna ti panangkenen a langa ti teniente a kanayon a mangpalpaliiw kenkuana.
— Bumaro, idakayo ti anak daydi don Rafael Ibarra?
Ti bumaro nagtamed.
Ni Fr. Damaso kas la timmakder iti tugawna, ket kini
tana a nalaing ti teniente.
—jNaimbag a isasangpet yo iti ili yo, ket sapay ta iti sidongna, nagasgasatkay kuma ngem daydi dakkelyo! — kinuna ti
teniente, a sipipigerger ti timekna. — Naam-ammok ket nakasasaok, ket mabalinko nga ibaga nga iso, maysa kadagiti tattao
nga addaan kaikarian ken dayaw ditoy Pilipinas.
—jApo! —insungbat ni Ibarra a nasdeman, —ti panangidaydayaw yo iti daydi dakkel ko, pukawenna dagiti duaduak iti
nagtungpalanna, a siak nga anakna diak pay ammo.
Dagiti matmata daydi lakay namsekda iti lua, nagbaliktad
Ket immadayo a dagos.
Maymaysan daydi bumaro iti tengnga ti salas (kadaklan): ti
bumalay nagpukawen, ket awan makitana a mangyam-ammo
kenkuana kadagiti babbalasang, nga ado kadakuada dagiti
mangmingmingming kenkuana a sipupunno iti gagar. Kalpasan ti panagngatana iti nabiit, a daytay napalalo ti sayaat, ket kasla awan-an-ania, nagturong kadakuada.
— Ipalubusyo kuma — kinunana — a law-asak dagiti al-alagaden ti naimbag a panagkukua. Pito a tawenen nga awanak ditoy
ilik, ket ita la nga agsubliak, diak magawidan ti di agkablaaw ka
dagiti kapapatgan a gangameng dagiti babbai.
-15-
