Awan nakaitured a bimiang, ta napnuanda amin iti siddaaw
ken kigtot.
—¡Umadayukayo! —inpukkaw daydi bumaro, a timekna ti nakabutbuteng, ket ginaw-atna ti maysa a natadem a imuko (kuchilio), idi ta inna met inpayat ti tengnged daydi praile, iso a mapapaungaran bassit iti pannakapamulenglengna;—ti dina kayat ti matay, saan a umasideg!
Ni Ibarra makapungtot unay: ti bagina mamigpigerger, dagiti matmatana agpulpuligusda kadagiti ab-abot da a mangamames. Ni Fray Dámaso, nga inpakatna amin a pigsana, nabalinna ti timmakder, ngem linenguges ni Ibarra, sana winagwag inggana iti naiparintumeng ken nakusbo.
¡Apo Ibarra, apo Ibarra! —addada nagkuna. Ngem awan, uray pay ti alperes, ti nakaitured a immasideg, idi makitada a simmilap ti kuchilio, ta patpatangenda ti pigsa ken ti kasasaad ti nakem daydi bumaro. Awan nakakuti kadakuada amin.
—¡Dita kayo! dakayo inkay nagulimek; ita, siak met ti sumublat. Linislisiak, ti Dios yegna kaniak, ni Apo Dios ti mangukom!
Daydi bumaro marigatan a umanges, ngem dagiti im-imana a kas la landok iti pigsa, dida inibbatan daydi pransiskano, nga uray la kakaasi a lumuslusot.
—Natalna ti panaggutok ti pusok, ti imak natalged...
Sa kimmita iti lawlawna,— Umuna, Padda maysa kadakayo a saan a nangayat iti naganak kenkuana, nanggura iti lagipna. a nayanak a nailutulot iti pannakaibabain ken pannakaidadanes?... ¿Makitam? ¿Mangngegmo dayta nga ulimek? Padi ti Dios ni talna, a napunno ti ngiwatmo iti sinasanto ken rinerelijion, ket ti pusom napunno met iti rugit, sika, saanmo ngata a naam-ammo no kasano ti maysa nga ama... linka kuma linaglagip ni amam! Makitam? ¡Kadagupan amin dagiti tattao nga inka lalaisen, awan uray maysa a kas kenka! ¡Nalpaskan a naukom!
Dagiti tattan a silalawlaw kenkuana, ta inpagarupda no pumatay, naggarawda.
—¡Umadayukayo! —sinublianna nga inpukkaw, timekna ti nakaam-ames; —¿ania? ¿mabutengkayo nga innak tulawan ti
imak iti dara a narugit? ¿Saan ko a kinuna kadakayo a ti pusok
