natalna ti panaggutokna? Adaywandakami! !Denggenyo, dakayo a papadi, uk-ukom, a pagarupenyo no sabalikay a tattao ket
sabali a linteg ti kayatyo a maipakat kadakayo! Daydi amak, tao
a natakneng, saludsudenyo iti dayta nga ili a mangraem iti lagip
na. Daydi amak, naimbag a makipagili: nagrigat gapo kaniak
ken gapo iti pagimbagan ti ilina. ¡Ti balayna adda idi a silulukat, ti pangananna adda idi a sisasagana iti ganggannaet wenno
iti naibelleng a kumamang kenktana iti rigatna! Naimbag a
kristiano: kanayon a nagar-aramid iti naimbag ket kaano man saan
na nga inmameg ti awanan saranay, ket dina met pinaldaáng ti
nakaay-ay-ay... Ni daytoy, inna pinastrek iti balayna, inna pinagtugaw iti pangananna ket inna ninagan iti pagayam. ?Kasano ti
inna panagsubalit? Inna pinarpardaya, inna kinamkamat, inikkanna iti igam ti kinakuneng a insanguna kenkuana, babaen ti
inna panangaramat it kinasanto ti takemna, inna ginasawgasaw
ti tanemna, inna dinadael ti lagipna ket inna pay kinamat inggana iti sidóng ni patay. !Ket saan pay la a napnek iti kasta, ta ita,
inna kamaten ti anak! Linislisiak, innak linikliklikan ti saklangna... Dakayo inkay nangngegan itay bigat a nanggasawgasaw iti
púlpito, nangngeganyo no kasano ti inna panangitudo kaniak kadagiti tattao a nakullaapan ti isipda, ket siak nagulimekak. Ita,
umay ditoy a mangriri kaniak; nagiturturedak a siuulimek, a
kasta unay siddaawyo, ngem inna manen idadanes ti kapatgan
a lagip kadagiti amin a inanak . . . Dakayo nga adda ditoy, papadi,
uk-ukom, inkay kad nakita ti lakay nga amayo a nagpuypuyat a
nagbanbannog gapo kadakayo, nakisina kadakayo gapo iti pagimbaganyo, matay iti liday iti uneg ti pagbalulan, nga umas-asog
gapo iti ayatna a nangarakop kadakayo, mangsapsapol iti maysa
a nabiag a mangliwliwa kenkuana, adda a maymaysa, masakit,
idinto ta dakayo addakay iti sabali a daga... Sa iti kalpasanna,
inkay nangngeg a dinadaelda ti naimbag a naganna, sa ket
awan iti tanemnan idi ta inkay kuma aglualo iti rabawna?
?Saan? !Agulimekkay man, no kasta, ngarod, ikeddengyo a
madusa!
Inlayatna ti takiagna; ngem maysa a babai, napardas a kas ti lawag, ti napan simngat ket kadagiti nakapoy a im-imana inna
sinangga daydi takiag a bumales: iso daydi ni María Clara.
