Ti gobernadorsilio kinudkudna ti ulona, sa kimmita iti atep ket kinunana a timekna ti naalsem:
¡Ay! ti pudot ti dara! Kasla diyo pay ammo no ania nga ili ti yan tayo; saan yo nga am-ammo dagiti kakailian tayo. Dagiti praile, babaknang ket sangsangkamaysada, ket datayo, nasinasina ket napanglawtayo. ¡Wen! padasenyo nga isakit, ket kitaenyunto no di dakay baybay-an a maymaysa a maisarsarak.
—¡Wen! —kinuna ni don Filipo a sipapait,—maaramidto dayta, inggana iti kasta ti intay panagpanpanunot, inggana iti intay pagpapadaen ti kayulugan dagiti sasao a buteng ken annad. Adadda nga intay kitaen ti maysa a dakes a di pay ammo ngem ti imbaga masapol; agparang a dagos ni buteng a di ket ni talek; tumunggal maysa, ti laeng biangna ti inna panpanunuten, awan manglagip kadagiti padana a tattao, iso ti gapona a nakapuy tay amin!
—Ala wen, unaenyo a panunuten ti sabali santo ti biangyo, ket makitayunto no di dakay baybay-an a maibitin! ? Saanyo nga ammo ti pagsasao dagiti ka-kastila: "ti asi a nalinteg ti pannakaita rosna, datao met la ti pangrugyanna?"
—Nasaysayaat kuma no kunayo,—insungbat a nakapungtot ti teniente mayor,-!"ti kinatakrot a nalinteg ti pannakaitarosna mangrugi iti kinamanagbubukod ket agtungpal ken bain!" Ita met laeng, innak idatag iti Alkalde ti panagikkatko; nabannugakon a makatkatawaan, nga awan met ngad pagpaayak kadagiti tattao . . . ¡ Innakon!
Dagiti babbai sabali met ti panaritaan da.
—¡Ay! —inyasog ti maysa a babai a nasayaat ti langana;— ¿dagiti agtutubo kasta danto la a kanayon? No kuma no adda pay la biag daydi naimbag a ina-na, ¿ania ngata ti kunana? ¡Ay, Dios! No panunutek a mabalin a maaramid met ti kasta itay anakko, a napudot met ti panagul-ulona... !ay, Jesús nganngani apalak payen daydi nagawar a inana,... Imatayak ngata kuma ti tuok!
—No siak, saan,—insungbat ti sabali a babai;—saanko a rigaten no kasta ti maaramid kadagiti dua nga annakko.
—¿Ania ti kunayo, kapitana María?— kinuna daydi immununa ket pinagakubna dagiti im-imana.
—Kayatko a dagiti annak isakitda ti lagip dagiti nagan-annak
kadakuada, kapitana Tinay; Pania kuma ti kunayo no iti maysa
