nga aldaw, inton balo kayo, ta inkay mangngegan a dakes ti panarsaritaan da ken asawayo, ket, ni anak yo nga Antonio agdumog
ket agulimek?
—¡Saanko a bendisiunanen! —kinuna ti maikatlo, ni ermana Rufa, ngem...
¡Saan, uray kaano man, saanko nga ipaidam kenkuana ti bendision ko!—insengngat ni naimbag a kapitana Tinay,―ti maysa nga ina saanna a rebbeng a sawen ti kasta... ngem, siak diak ammo ngata ti innak aramiden... diak ammo... kunak ngata a matayak... kua... ngata... saan! !Dios ko!, ngem diak ngata kayat a kitaenen... ?ngem, ania ket dagiti napanpanunot yon kapitana María?
—Nupay kasta.—innayon ni ermana Rufa,—saanyo a liplipatan a maysa a basol a nadagsen ti kumabil iti sagrado a tao.
—¡Nasagsagrado pay ti lagip dagiti nagannak! —insungbat ni Kapitana María.— ¡Awan uray siasinno, uray ti Papa, ket adadda man la ngaruden ni Padre Dámaso, ti makabalin a manggasawgasaw iti dayta a lagip a ingget pateg!
—! Pudno!-kinuna ni kapitana Tinay, ket inna nagsiddaawan ti kinasiribda nga agpadpada;— ¿adinno ti pagal-alaan yo kadagita nagimbag a sasao?
—¿Ngem, ti eskomunion ngay ken ti panakainpierno? —insungbat manen ni Rufa. —¿Ania met aya dagiti daydayaw ken ti naimbag a nagan ditoy a biag, no mainpierno met datao? lumabas amin iti mabiit... ngem ti eskomunion... ti panangranggas iti maysa a pannakabagi ni Jesukristo... !dayta, awan makabalin a mamakawan no di laeng ti Papa!
—!Pakawanento ni Apo Mugna, Iso a nangibilin a dayawen da ama ken ina; ti Dios saannanto nga eskumulgaduen. Ket siak kunak kadakayo; no dayta a bumaro umay idiay balay, awatek ket innak kasarita; no kuman adda anakko a balasang, kayatko a manugangen: ti naimbag nga anak, naimbag met nga asawa ket naimbag pay nga ama, patienyo, ermana Rufa!
—No siak a ket, sabali ti pamanunutak; sawenyo ti kayatyo, ket uray no kas la agpayso dagita sasaoyo, kankanayunto nga
adadda a patiek ti kura. Nangruna iti iso amin, ispalek ti kararuak, čania ti kunayo, kapitana Tinay?
