—¡No kasta a ket, kas tay betelapora a kuna ti baket ti alperes!
Dakdakes pay ngem dayta ti tumupra iti ostia.
—A ket, dakdakes pay ngem tumupra iti ostia iti Biernes Santo,-insungbatna a sidedeggang. —Malagipyo ti sao nga ispichoso, nga umanayen a sawen iti maysa a tao tapno dagiti sibil ni Villa Abrile inda tiliwen a ibelleng iti adayo a daga, wenno ipukok iti pagbaludan?; a ket, ti sao a plesbestiero dakdakes a nagperribo. Kas kuna ti telegrapista ken ti direktorsilio, plibestiro no kuna ti maysa a kristiano, kura wenno kastila iti sabali a kristiano a kas kadatayo, kas la santusdeus ken rekimiternam daytan: no panaganandaka maminsan iti p'ibustiero, mabalinmon ti agkonpesar ken mangbayad kadagiti ut-utangmo, ta awan sabali a pamuspusamon no di mapan pabitay. Ammumon a ti direktorsilio ken ti telegrapista ammuda dagita: ti maysa makisasao kadagiti barbarot ket ti maikadua ammuna ti sao ti kastila ket awan sabali nga igiggamanna no di ti pagsurat.
Isuda amin inda napabuteng.
—¡Uray pilitendak a pagsapatusen ken saan a uminom iti bayat ti panagbiag ko iti sabali no di la daytay isbo ti kabayo a naganenda iti serbesa, madiak la ket di a panagananda iti uray maminpinsan laeng iti pelbistero!—insapata daydi taga talon a pinetpetanna ti gemgemna. —Asinno? Siak, no siak la ti baknang a kas ken don Crisóstomo, no ámmok la ti agsao iti kastila, a kas kenkuana no mabalin ko la ti mangan a napardas nga agkutsilio ken agkutsara, katawaak ti lima a kukura!
¡Ti umuna a sibil a makitak nga agtakaw iti manok, panaganak iti palabistiero... ket dagusekto ti mapan agkonpesar!—
indayamudom ti maysa kadagiti tiga taltalon, ket immadayo
