nalalaing, ngem siak, siak mapukawannak iti lima pulo ribo a
pisos! ¡Ay, Birjen de Antipolo, no kuma ngad no adda gasat ko
no rabii!
Palpaltog, danarudor dagiti luglugan, padakpadak dagiti kabkabayo, ti músika a mangtugtug iti Marcha Real inda inpakdaar ti idadateng ni Ekselensia, ti Gobernador Jeneral dagiti Purpuro a Pilipinas. Ni María Clara nagtaray a napan naglemmeng iti siledna... ¡asi pay ti balasang! pagay-ayamanda man dayta pusom dagiti nagubsang a im-ima a saan da nga ammo dagiti narasi a linlinabagna.
Idi ta ti balay mapunpunno kadagiti tattao, ket napigsa a padakpadak, timek ti turayen dagiti sosoldado nga agbilin, aweng ti sable ken espuelas dagiti mangngeg iti iso amin a di manganano daydi naladingit a balasang adda a naidasay, agarop sipaparintumeng iti sangwanan ti maysa a ladawan ni Apo Santa María a nakailanadan ti kasasaadna iti daydi nakalkaldaang a kinamaymaysana, nga awan sabali a nakaammo a nangrikna no di laeng ni Delaroche, a kas man itay inna natakuatan idi agawid nga aggapo iti tanem ti Anak Na. Ni María Clara. saanna a panpanunuten ti ladingit daydi nga ina, panpanunutenna piman ti bukodna a ladingit. Ti ulona nagleppay iti barukongna ket dagiti im-imana naisadagda iti datar, arigna man ti ungkay ti maysa a sabong ti asusena a kineltay ti napigsa nga alawig. ¡Maysa a kasakbayan a tinagtagainep ken tinaktakunaynay iti bayat dagiti tawtawen, a ti essemna a timmaod idi ubing pay ket dimmegdegdeg idi ta agbalasang, ti inda piman naibinggas kadagiti laslasagna, saket ita kayatda man a lapgisen iti maymaysa laeng a sao, iti isip ken iti pusona! ¡Ti kasdi arigna ti panangpasardeng iti panagpitik ti puso ket panagiddep iti silaw ti isip!
Ni María Clara, naimbag ken nasingpet a kristiana ket naayat met a inanak. Saan la a mabuteng iti eskomunion: ti bilin ken ti na-amesan a talingenngen ni amana dawatenda ita kenkuana nga ipatlina ti ayatna. Iso inna marikna ti amin ti pigsa daydi nga ayat nga agpapan idi dina pay inatap a kasdi. Maysa piman idi damona a karayan a sitatalinaay nga agayayos nabanglo a sabsabong dagiti nairamen kadagiti ig-igidna
ket babassit a dardarat iti lansadna. Ti ayosna apaman la
