ta parasuken ti angin; makuna kuma no inna kitaen nga agin
inana a si-a-alinaay. Ngem iti apagdarikmat, umilet ti pagayusanna,
nakersang, dadakkel a batbato dagiti mangabbeng kenkuana, dadakkel a pupuon dagiti kaykayo dagiti naibangen a mangsangga.
ja! iso tay agdanarudor ti karayan, rumasok, agburek dagiti daldalluyon, wagwagenna dagiti kasta unay a lablabutab, batbatenna
dagiti batbato ket agtapuak iti derraas!
Kayatna piman ti aglualo, ngem; asinno kad met ti aglualo no pinanawan ni inanama? —Aglualo datao no inda datao manginanama, ket no saan, ta kumamangtay iti Dios, isuna la nga asasog dagiti mapataod.— "¡Dios ko!" kunkuna a yik-ikkis ti pusona, tapay a kasta man a isina ti maysa a tao, apay a ipawil kenkuana ti ayat dagiti dadduma? Sika dimo ipaidam ti initmo, ti anginmo, ket dimo met ilemmeng kenkuana ti buya ti langitmo, dapay a maipaidam kenkuana ni ayat, idinto nga uray awan langit, uray awan angin, uray awan init, mabalin ti agbiag, ngem no awan ayat, saan?"
¿Dumtengda ngata iti saad ti Apo dagita nga nga ik-ikkis a saan a mangngeg dagiti tattao? ¿ipangag ngata ida ti Ina dagiti awanan gasat?
¡Ay! daydi nakakaasi a balasang, a dina piman naam-ammo ti maysa nga ina, maituredna man a italek dagidi a sensennaay a patauden ti ayat ditoy rabaw ti daga iti daydi nakadaldalos a puso nga awan sabali a naam-ammuna no di laeng ti ayat ti maysa nga anak ken ti ayat ti maysa nga iná; iso, iti let-ang dagiti ladladingitna, inna man kumamang iti daydi ladawan ti babai, a nagbalin a dios, kasayaatan a nagpupunipunan ti kaimbagan dagiti parparsua, iti daydi naiduma iti sam-it a parnuay ti Kakristianuan, iso a namagtipon iti biangna kadagiti dua a kaskasasaad a naiparungbuan ti maysa a babai: kinabalasang a di natulawan ken kina-ina, a di ket naglak-am kadagiti tutuok da, iso a naganentay iti María.
—¡Ina, Ina! —isasaibbekna.
Ni ikit Isabel napanna inaón iti let-ang ti ladingitna. Nagdadateng dagiti dadduma a gagayyemna ket ti Kapitan Jeneral
kayatna a kasao.
